ກອງປະຊຸມເວທີປຶກສາຫາລືວັດທະນະທຳອາຊີຄັ້ງທີ 3 ທີ່ກະຊວງວັດທະນະທຳຈີນແລະອົງການປົກຄອງປະຊາຊົນແຂວງຟູຈ້ຽນຂອງຈີນຮ່ວມກັນເປັນເຈົ້າພາບໄດ້ຈັດຂຶ້ນຢູ່ເມືອງສວນໂຈ່ວແຂວງຟູຈ້ຽນຂອງຈີນໃນວັນທີ 9 ຫາວັນທີ 10 ພະຈິກນີ້.
ໃນເວທີປຶກສາຫາລື, ຜູ້ຕາງໜ້າວົງການວັດທະນະທຳທີ່ມາຈາກ 13 ປະເທດຂອງອາຊີຄື: ຈີນ, ຍີ່ປຸ່ນ, ໄທ, ກຳປູເຈຍແລະສີລັງກາເປັນຕົ້ນ 100 ກວ່າທ່ານໄດ້ເຕົ້າໂຮມກັນ, ເພື່ອດຳເນີນການແລກປ່ຽນຄວາມຄິດເຫັນກ່ຽວກັບການພັດທະນາແລະຄວາມຈະເລີນຮຸ່ງເຮືອງດ້ານວັດທະນະທຳຂອງອາຊີ. ເປົ້າໝາຍການເຊື່ອມຈອດກັນຂອງ "ໜຶ່ງແລວທາງໜຶ່ງເສັ້ນທາງ" ໄດ້ຮັບການຕອບສະໜອງຈາກແນວຄວາມຄິດດຽວກັນຂອງບັນດາປະເທດ.
ນອກນີ້, ເວທີປຶກສາຫາລືຍັງໄດ້ເຜີຍແຜ່"ຂໍ້ຕົກລົງສວນໂຈ່ວ" ໃນຕອນບ່າຍວັນທີ 10 ພະຈິກນີ້, ໂດຍກ່າວເນັ້ນວ່າວັດທະນະທຳຂອງອາຊີແມ່ນພາກສ່ວນອັນສຳຄັນທີ່ຂາດບໍ່ໄດ້ຂອງວັດທະນະທຳໂລກ. ປະເທດຕ່າງໆໃນອາຊີຄວນປະສານງານແລະຮ່ວມມືກັນ, ທຳຄວາມພະຍາຍາມເພື່ອສ້າງປະຊາຄົມວັດທະນະທຳອາຊີແລະເພີ່ມທະວີການແລກປ່ຽນດ້ານວັດທະນະທຳເຊິ່ງກັນແລະກັນ.