ວັນທີ 13 ພະຈິກນີ້, ທ່ານຫູຈີ້ງລິນ, ລັດຖະມົນຕີຊ່ວຍວ່າການກະຊວງການເງິນຈີນກ່າວວ່າ, ໃນໄລຍະແຜນການ 5 ປີຄັ້ງທີ 13, ການປະຕິຮູບຊົນນະບົດຂອງຈີນແມ່ນປະເຊີນໜ້າກັບໂອກາດ ແລະສິ່ງທ້າທາຍໄປພ້ອມກັນ ເຊິ່ງຕ້ອງຊຸກຍູ້ການປະຕິຮູບສັງລວມຂອງຊົນນະບົດໃນ 4 ດ້ານ ເພື່ອຊຸກຍູ້ຂົງເຂດທີ່ສໍາຄັນໃຫ້ໄດ້ມີການບຸກທະລຸອັນໃໝ່.
ໜຶ່ງ, ສຸມກໍາລັງເຂົ້າໃນການບຸກທະລຸສະພາບຄວາມຫຍຸ້ງຍາກຂອງການປະຕິຮູບການພົວພັນການຜະລິດຂອງຊົນນະບົດ, ຊອກຄົ້ນຫາຊ່ອງທາງອັນໃໝ່ໃນການພັດທະນາກໍາລັງການຜະລິດຂອງຊົນນະບົດ. ສອງ, ສຸມກໍາລັງເຂົ້າໃນການບຸກທະລຸອຸປະສັກຈາກຄວາມແຕກຕ່າງກັນລະຫວ່າງຕົວເມືອງກັບຊົນນະບົດ, ຊອກຄົ້ນຫາລະບົບໃໝ່ແຫ່ງການວາງແຜນການພັດທະນາຂອງຕົວເມືອງ ແລະຊົນນະບົດ. ສາມ, ສຸມກໍາລັງເຂົ້າໃນການບຸກທະລຸຄວາມຈໍາກັດດ້ານຊັບພະຍາກອນ ແລະສິ່ງແວດລ້ອມຂອງຊົນນະບົດ, ຊອກຄົ້ນຫາຮູບການໃໝ່ແຫ່ງການພັດທະນາແບບຍືນຍົງຂອງກະສິກໍາ ແລະຊົນນະບົດ. ສີ່, ສຸມກໍາລັງເຂົ້າໃນການບຸກທະລຸຂໍ້ບົກພ່ອງຂອງຕະຫຼາດປັດໄຈການຜະລິດຂອງຊົນນະບົດ, ຊອກຄົ້ນຫາຊ່ອງທາງໃໝ່ດ້ານສິດຊັບສິນຂອງຊົນນະບົດ.
