ຕາມຂ່າວຈາກງານຖະແຫຼງຂ່າວຂອງໂຄງການໄຟຟ້າ"ພະລັງງານໄຟຟ້າສ້າງຜົນປະໂຫຍດໃຫ້ແກ່ປະຊາຊົນ"ຂອງເຂດປົກຄອງຕົນເອງເຜົ່າອຸຍເກີຊິ່ນຈ່ຽງຈີນໃນຫວ່າງບໍ່ດົນມານີ້, ເຂດຊິ່ນຈ່ຽງຈະແກ້ໄຂບັນຫາປະຊາຊົນເກືອບລ້ານຄົນບໍ່ມີໄຟຟ້າໃຊ້ພາຍໃນປີນີ້.
ນັບຕັ້ງແຕ່ປີ 2011 ເປັນຕົ້ນມາ, ເຂດຊິ່ນຈ່ຽງໄດ້ຈັດເອົາການແກ້ໄຂບັນຫາປະຊາຊົນທີ່ບໍ່ມີໄຟຟ້າໃຊ້ເຂົ້າໃນໂຄງການທີ່ສໍາຄັນ. ບໍລິສັດພະລັງງານໄຟຟ້າຊິ່ນຈ່ຽງເຊິ່ງເປັນເຄືອຂ່າຍຂອງບໍລິສັດໄຟຟ້າແຫ່ງຊາດຈີນໄດ້ໃຊ້ງົບປະມານ 17 ຕື້ຢວນເຂົ້າໃນໂຄງການດັ່ງກ່າວ. ທ່ານຫຼີຢີ້ເຟີ່ງ, ຫົວໜ້າຫ້ອງການຖະແຫຼງຂ່າວຂອງພະແນກພົວພັນຕໍ່ພາຍນອກຂອງບໍລິສັດພະລັງງານໄຟຟ້າຊິ່ນຈ່ຽງເຜີຍໃຫ້ຮູ້ວ່າ, ຕາມແຜນການກໍ່ສ້າງພະລັງງານໄຟຟ້າຂອງເຂດທີ່ບໍ່ມີໄຟຟ້າໃຊ້ໃນແຜນການ 5 ປີຄັ້ງທີ 12 ຂອງຊິ່ນຈ່ຽງ, ເຂດຊິ່ນຈ່ຽງຈະແກ້ໄຂບັນຫາປະຊາຊົນ 1 ລ້ານ 7 ໝື່ນ 5 ພັນ 3 ຮ້ອຍຄົນທີ່ຍັງບໍ່ທັນມີໄຟຟ້າໃຊ້ໃນທ້າຍປີ 2015.
ຮອງຫົວໜ້າວິສະວະກອນຂອງບໍລິສັດພະລັງງານໄຟຟ້າຊິ່ນຈ່ຽງກ່າວວ່າ, ໃນໄລຍະແຜນການ 5 ປີຄັ້ງທີ 13, ຊິ່ນຈ່ຽງຈະສືບຕໍ່ເພີ່ມທະວີການກໍ່ສ້າງເຄືອຂ່າຍ ໄຟຟ້າຂອງຊົນນະບົດ, ຄາດວ່າຈະໃຊ້ງົບປະມານ 40 ຕື້ 800 ລ້ານຢວນ.
