ໜຶ່ງ,ບັນດາປະເທດໃຫ້ຄຳໝັ້ນສັນຍາປະຕິບັດຕາມຈຸດປະສົງແລະຫຼັກການຂອງ"ກົດບັດສະຫະປະຊາຊາດ", ປົກປ້ອງໝາກຜົນແຫ່ງໄຊຊະນະໃນສົງຄາມໂລກຄັ້ງທີ2ແລະລະບຽບການຫຼັງສົງຄາມ, ທະນຸຖະໜອມສັນຕິພາບທີ່ຍາດມາໄດ້ດ້ວຍຄວາມຫຍຸ້ງຍາກລຳບາກ, ຮ່ວມກັນຮັກສາສັນຕິພາບແລະສະເຖຍລະພາບຂອງສາກົນກໍ່ຄືພາກພື້ນ ເຊິ່ງລວມທັງພາກພື້ນທະເລຈີນໃຕ້.
ສອງ,ປະເທດອະທິປະໄຕທີ່ມີສ່ວນກ່ຽວຂ້ອງໂດຍກົງໃຫ້ຄຳໝັ້ນສັນຍາປະຕິບັດຕາມຫຼັກການກົດໝາຍສາກົນທີ່ໄດ້ຮັບຮູ້ທົ່ວໄປ,ເຊິ່ງລວມທັງ"ສົນທິສັນຍາກົດໝາຍວ່າດ້ວຍທະເລຂອງສະຫະປະຊາຊາດ", ໂດຍຜ່ານຈາກການປຶກສາຫາລືແລະການເຈລະຈາຢ່າງມີໄມຕີຈິດ, ແກ້ໄຂຄວາມຂັດແຍ່ງດ້ານຜືນແຜ່ນດິນແລະສິດຄອບງຳດ້ວຍສັນຕິວິທີ.
ສາມ, ຈີນແລະປະເທດອາຊຽນໃຫ້ຄຳໝັ້ນສັນຍາວ່າຈະຈັດຕັ້ງປະຕິບັດ"ຖະແຫຼງການວ່າດ້ວຍການປະຕິບັດງານຂອງບັນດາຝ່າຍຢູ່ທະເລຈີນໃຕ້"ຢ່າງຮອບດ້ານ,ມີປະສິດທິຜົນແລະຄົບຖ້ວນ, ເລັ່ງລັດການປຶກສາຫາລືກ່ຽວກັບ"ລະບຽບການວ່າດ້ວຍການປະຕິບັດງານຢູ່ທະເລຈີນໃຕ້", ຕົກລົງ"ລະບຽບການ"ດັ່ງກ່າວໂດຍໄວບົນພື້ນຖານແຫ່ງການຫາລືຕົກລົງເປັນເອກະສັນກັນ, ແລະນຳໃຊ້ມາດຕະການເພື່ອປັບປຸງແລະກໍ່ສ້າງກົນໄກຮ່ວມມືແບບໄວ້ເນື້ອເຊື່ອໃຈກັນໃນພາກພື້ນ.
ສີ່, ປະເທດຢູ່ນອກພາກພື້ນໃຫ້ຄຳໝັ້ນສັນຍາວ່າຈະເຄົາລົບແລະສະໜັບສະໜູນຄວາມພະຍາຍາມຂອງປະເທດພາຍໃນພາກພື້ນເພື່ອຮັກສາສັນຕິພາບແລະສະເຖຍລະພາບຂອງພາກພື້ນທະເລຈີນໃຕ້, ເສີມຂະຫຍາຍບົດບາດທີ່ຕັ້ງໜ້າແລະມີລັກສະນະສ້າງສັນ, ບໍ່ນຳໃຊ້ການກະທຳທີ່ຈະເຮັດໃຫ້ສະຖານະການໃນພາກພື້ນເຄັ່ງຕຶງຂຶ້ນ.
ຫ້າ, ບັນດາປະເທດໃຫ້ຄຳໝັ້ນສັນຍາວ່າຈະນຳໃຊ້ແລະປົກປ້ອງສິດເສລີພາບດ້ານການເດີນເຮືອແລະການບິນຢູ່ທະເລຈີນໃຕ້ຕາມກົດໝາຍສາກົນ.
