ວັນທີ 18 ຫາວັນທີ 23 ພະຈິກນີ້, ກອງປະຊຸມສຸດຍອດອາຊຽນຄັ້ງທີ 27 ຈັດຂຶ້ນຢູ່ມະເລເຊຍ. ວັນທີ 22 ພະຈິກນີ້, ຢູ່ນະຄອນຫຼວງກົວລະລຳເປີ, ຜູ້ນຳ 10 ປະເທດອາຊຽນໄດ້ຮ່ວມກັນເຊັນ "ຖະແຫຼງການກົວລະລຳເປີ ກ່ຽວກັບການສ້າງປະຊາຄົມອາຊຽນໃນທ້າຍປີ 2015" ແລະ "ຖະແຫຼງການກົວລະລຳເປີ ກ່ຽວກັບ ອາຊຽນກ້າວໄປສູ່ປີ 2025: ສາມັກຄີກັນບຸກເບີນພັດທະນາ", ໂດຍປະກາດວ່າ, ປະຊາຄົມອາຊຽນຈະສ້າງຕັ້ງຂຶ້ນຢ່າງເປັນທາງການໃນວັນທີ 31 ທັນວາປີນີ້, ພ້ອມກັນນັ້ນ, ຈະວາງແຜນການພັດທະນາອາຊຽນຮອດປີ 2025.
ໃນເວລາກ່າວຄຳປາໄສ, ທ່ານນາຈິບ ຕຸນຣາຊັກກ່າວວ່າ, ພາຍໃຕ້ຂອບເຂດການຄ້າເສລີອາຊຽນ, ປະຈຸບັນ, ປະເທດຕ່າງໆໄດ້ກຳຈັດກຳແພງພາສີໂດຍພື້ນຖານແລ້ວ, ເຊິ່ງໝາຍຄວາມວ່າ, ຂະແໜງການຜະລິດພາຍໃນພາກພື້ນອາຊຽນ ຈະມີກຳລັງແຂ່ງຂັນຫຼາຍກວ່າໃນຕະຫຼາດສາກົນ. ແຕ່ວ່າ, ເວລາດຽວກັນນັ້ນ, ປະເທດອາຊຽນຕ່າງໆຍັງຕ້ອງກຳຈັດສິ່ງກີດຂວາງການພັດທະນາເສດຖະກິດຕື່ມອີກ, ລົງເລິການຮ່ວມມື ເພື່ອສ້າງອະນາຄົດເສດຖະກິດທີ່ເຂັ້ມແຂງກວ່າເກົ່າ.
 |
