ນາຍົກຈີນເດີນທາງໄປຢ້ຽມຢາມລັດມາລັກກາຂອງມາເລເຊຍ

ຕາມຂ່າວCRI: ວັນທີ 22 ພະຈິກນີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ເດີນທາງໄປຢ້ຽມຢາມລັດມາລັກກາຂອງມາເລເຊຍ.

ມື້ດຽວກັນ, ທ່ານຫຼີເຄີ້ສຽງພ້ອມດ້ວຍຄະນະໄດ້ເດີນທາງໄປຮອດຫໍວັດທະນະທຳເຈີ້ງເຮີທີ່ຕັ້ງຢູ່ຖະໜົນຈອນເກີລັດມາລັກກາຂອງມາເລເຊຍ. ທ່ານຫຼີເຄີ້ສຽງກ່າວວ່າ: " 600 ປີກ່ອນ, ທ່ານເຈີ້ງເຮີ, ນັກເດີນເຮືອຈີນເຄີຍໄດ້ເດີນທາງມາຮອດບ່ອນນີ້, ພວກເຂົາເຈົ້າມີບາງຄົນໄດ້ອາໄສຢູ່ແຫ່ງນີ້ຫຼືແຕ່ງງານກັບຊາວທ້ອງຖິ່ນຊຶ່ງຖືກຊາວທ້ອງຖິ່ນເອີ້ນເປັນ "baba nyonya", ນີ້ເປັນສັນຍະລັກແຫ່ງມິດຕະພາບລະຫວ່າງຈີນ-ມາເລເຊຍ, ເປັນການເຊື່ອມໂຍງເຂົ້າກັນຂອງວັດທະນະທຳລະຫວ່າງຈີນ-ມາເລເຊຍ."

ທ່ານຫຼີເຄີ້ສຽງກ່າວຕື່ມວ່າ: ທ່ານເຈີ້ງເຮີອອກເດີນເຮືອໄປມະຫາສະໝຸດປາຊີຟິກຕາເວັນອອກເປັນ 7 ຄັ້ງ, ແລະເຄີຍໄດ້ປະຈຳຢູ່ລັດມາລັກກາເປັນ 5 ຄັ້ງ, ເຊິ່ງໄດ້ກາຍເປັນທູດແຫ່ງມິດຕະພາບໃນດ້ານການໄປມາຫາສູ່ກັນໂດຍສັນຕິແລະຕ່າງຝ່າຍຕ່າງມີຜົນປະໂຫຍດ, ຄວນເສີມຂະຫຍາຍທັດສະນະຄະຕິທີ່ມີຈິດໃຈໃນການລິເລີ່ມໃຫ້ຖືສັນຕິພາບເປັນສິ່ງສຳຄັນ, ຢູ່ຮ່ວມກັນໂດຍສັນຕິແຕ່ມີຄວາມແຕກຕ່າງກັນ, ມີຄວາມກົມກຽວກັນແລະຄວາມຜ່ອນສັ້ນຜ່ອນຍາວເຊິ່ງກັນແລະກັນພ້ອມທັງສືບທອດໄປດ້ວຍທຸກຄົນຮຸ່ນຫຼັງ.