ວັນທີ 1 ທັນວານີ້ເປັນວັນພະຍາດເອດໂລກຄັ້ງທີ 28. ໃນຫວ່່າງບໍ່ດົນມານີ້, ທ່ານຫຼີເຄີ້ສຽງ, ກໍາມະການປະຈໍາກົມການເມືອງສູນກາງພັກກອມມູນິດຈີນ, ນາຍົກລັດຖະມົນຕີຈີນໄດ້ໃຫ້ຄໍາຊີ້ແຈງທີ່ສໍາຄັນວ່າ, ການປ້ອງກັນ ແລະປິ່ນປົວພະຍາດເອດກ່ຽວຂ້ອງກັບສຸຂະພາບຂອງປະຊາຊົນ ກໍ່ຄືຄວາມກົມກຽວປອງດອງ ແລະຄວາມໝັ້ນຄົງຂອງສັງຄົມ, ເປັນເນື້ອໃນທີ່ສໍາຄັນໃນການກໍ່ສ້າງຈີນແຫ່ງແຂງແຮງ.
ວຽກງານປ້ອງກັນ ແລະປິ່ນປົວພະຍາດເອດຂອງຈີນໄດ້ຮັບຜົນສໍາເລັດອັນພົ້ນເດັ່ນ, ແຕ່ຍັງມີຂໍ້ຫຍຸ້ງຍາກແລະສິ່ງທ້າທາຍຫຼາຍຢ່າງ. ຕ້ອງປະຕິບັດຂໍ້ຕົກລົງຂອງກອງປະຊຸມຄົບຄະນະຄັ້ງທີ 5 ສະໄໝທີ 18 ຂອງພັກກອມມູນິດຈີນກ່ຽວກັບການຊົມໃຊ້ຜົນສໍາເລັດແຫ່ງການພັດທະນາຮ່ວມກັນ, ແນໃສ່ຈຸດພິເສດອັນໃໝ່ໃນການລະບາດຂອງພະຍາດເອດ, ເລັ່ງລັດວາງແຜນການເຄື່ອນໄຫວ"5 ປີຄັ້ງທີ 13"ກ່ຽວກັບການສະກັດກັ້ນ, ປ້ອງກັນ ແລະປິ່ນປົວພະຍາດເອດ. ເພີ່ມທະວີການລົງທຶນ, ຮັບປະກັນງົບປະມານດ້ານການປ້ອງກັນ ແລະປິ່ນປົວພະຍາດເອດ, ສະໜັບສະໜູນວຽກງານປ້ອງກັນ ແລະປິ່ນປົວພະຍາດເອດຢູ່ໃນເຂດທີ່ມີການລະບາດຢ່າງໜັກໜ່ວງ ແລະເຂດທຸກຍາກທີ່ພາກກາງ ແລະພາກຕາເວັນຕົກຂອງຈີນ, ປັບປຸງກົນໄກເກື້ອກູນໂຮງໝໍທີ່ໄດ້ຮັບການມອບໝາຍໃຫ້ດໍາເນີນວຽກງານປ້ອງກັນ ແລະປິ່ນປົວພະຍາດເອດ. ຄວບຄຸມການລະບາດຂອງພະຍາດເອດໃນຈີນໃຫ້ຢູ່ໃນລະດັບຕໍ່າ, ປະກອບສ່ວນອັນໃໝ່ເຂົ້າໃນການສ້າງສັງຄົມອິ່ມໜໍາລໍາລານຢ່າງຮອບດ້ານ.
