ວັນທີ 7 ມັງກອນນີ້, ລະຄອນຟ້ອນເລື່ອງ "ສະແຫວງຫາຄວາມຝັນຢູ່ເສັ້ນທາງສາຍໄໝທາງທະເລ" ໄດ້ບັນລະຍາຍເລື່ອງລູກເຮືອຟູຈ້ຽນຂອງຈີນສ້າງເສັ້ນທາງສາຍໄໝທາງທະເລເມື່ອ 800 ກວ່າປີກ່ອນລະຄອນຟ້ອນເລື່ອງນີ້ຈະໄດ້ສະແດງຢູ່ໃນທົ່ວປະເທດຈີນ, ກ່ອນຈະໄປສະແດງຢູ່ປະເທດກໍຄືເຂດແຄວ້ນຕ່າງໆຕາມ "ໜຶ່ງແລວທາງໜຶ່ງເສັ້ນທາງ" ເຊັ່ນ: ສິງກະໂປ, ອິນໂດເນເຊຍ, ມາເລເຊຍ, ໄທ ແລະກຳປູເຈຍເປັນຕົ້ນ. ຜ່ານສິລະປະການສະແດງເພື່ອສົ່ງເສີມມູນເຊື້ອແຫ່ງສັນຕິພາບແລະໄມຕີຈິດມິດຕະພາບຂອງປະຊາຊົນຈີນກໍຄືຄວາມມຸ່ງມາດປາຖະໜາອັນດີງາມໃນການຮ່ວມກັນສ້າງເສັ້ນທາງສາຍໄໝທາງທະເລສະຕະວັດທີ 21.
ລະຄອນເລື່ອງດັ່ງກ່າວມີຄວາມເປັນເອກະລັກທາງພາກໃຕ້ຂອງແຂວງຟູຈ້ຽນເປັນຕົ້ນຕໍ ທັງໄດ້ປະສົມປະສານເອກະລັກຂອງປະເທດຢູ່ຕາມເສັ້ນທາງສາຍໄໝກໍຄືແຂວງຢູ່ຕາມແຄມຝັ່ງທະເລ ໂດຍໄດ້ສ່ອງແສງໃຫ້ເຫັນບົດບາດອັນສຳຄັນທາງປະຫວັດສາດຂອງແຂວງຟູຈ້ຽນຢ່າງເຕັມສ່ວນໃນການສ້າງເສັ້ນທາງສາຍໄໝທາງທະເລ,ການຕິດຕໍ່ພົວພັນທາງການຄ້າແລະການໄປມາຫາສູ່ກັນລະຫວ່າງປະຊາຊົນທົ່ວໂລກ ແລະການປົກປັກຮັກສາຂະບວນການເຊື່ອມໂຍງດ້ານວັດທະນະທຳລະຫວ່າງປະເທດຕາເວັນຕົກແລະຕາເວັນອອກ.