ວັນທີ 12 ມັງກອນນີ້, ທ່ານຫຼີຜູມິນ, ໂຄສົກຂອງຄະນະກຳມະການພັດທະນາແລະປະຕິຮູບແຫ່ງລັດຈີນກ່າວໃນກອງປະຊຸມຂ່າວວ່າ: ປີ 2015, ເສດຖະກິດຂອງຈີນໄດ້ໝູນເດີນຢ່າງໝັ້ນທ່ຽງໂດຍລວມ, ຄາດວ່າຄວາມໄວຂອງການເຕີບໂຕຈະມີເຖິງປະມານ 7%, ຖືກກັບເປົ້າໝາຍທີ່ໄດ້ຄາດໄວ້ລ່ວງໜ້າໂດຍພື້ນຖານ.
ທ່ານຫຼີຜູມິນກ່າວຕື່ມວ່າ: ປີ 2015 ແມ່ນປີສຸດທ້າຍຂອງແຜນການ 5 ປີຄັ້ງທີ 12, ອີງຕາມໂຄງຮ່າງຂອງແຜນການພັດທະນາ 5 ປີຄັ້ງທີ 12, ຄາດວ່າຕົວເລກດັດຊະນີທີ່ສຳຄັນ 24 ລາຍການໃນດ້ານການພັດທະນາເສດຖະກິດ-ສັງຄົມລ້ວນແຕ່ຈະສາມາດສຳເລັດໄດ້ໂດຍພື້ນຖານ, ໂດຍສະເພາະແມ່ນຕົວເລກດັດຊະນີທີ່ມີຄວາມຈຳກັດໃນຫຼາຍດ້ານເຊັ່ນ: ສະພາບແວດລ້ອມດ້ານຊັບພະຍາກອນ, ຊີວິດການເປັນຢູ່ຂອງປະຊາຊົນແລະດ້ານອື່ນໆຈະສາມາດສຳເລັດໄດ້ໂດຍເກີນຄາດໝາຍ, ກຳລັງຕົວຈິງທາງດ້ານເສດຖະກິດ, ວິທະຍາສາດເຕັກໂນໂລຊີ, ການປ້ອງກັນປະເທດແລະອິດທິພົນໃນເວທີສາກົນຂອງຈີນໄດ້ກ້າວຂຶ້ນສູ່ລະດັບທີ່ໃຫຍ່ອັນໜຶ່ງອີກ, ໂດຍໄດ້ສ້າງພື້ນຖານທີ່ດີໃຫ້ແກ່ການພັດທະນາເສດຖະກິດ-ສັງຄົມໃນໄລຍະແຜນການ 5 ປີຄັ້ງທີ 13.
 |
