ວິທະຍຸສາກົນແຫ່ງປະເທດຈີນ: ວັນທີ 22 ມັງກອນນີ້ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 10 ຂອງພັກປະຊາຊົນປະຕິວັດລາວທີ່ໄຂຂຶ້ນຢູ່ນະຄອນຫຼວງວຽງຈັນເປັນເວລາ 5 ວັນນັ້ນໄດ້ອັດລົງດ້ວຍຜົນສຳເລັດ, ກອງປະຊຸມໄດ້ເລືອກກົມການເມືອງສູນກາງພັກຊຸດໃໝ່. ໂດຍທ່ານບຸນຍັງ ວໍລິຈິດ ໄດ້ຮັບເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິບັດລາວ. ທ່ານທອງລຸນ ສີສຸລິດ, ທ່ານນາງປານີ ຢາທໍ່ຕູ້, ທ່ານ ດຣ.ບຸນທອງ ຈິດມະນີ, ທ່ານດຣ ພັນຄຳ ວິພາວັນ, ທ່ານ ຈັນສີ ໂພສີຄຳ, ທ່ານດຣ.ໄຊສົມພອນ ພົມວິຫານ, ທ່ານພົນໂທ ຈັນສະໝອນ ຈັນຍາລາດ, ທ່ານດຣ.ຄຳພັນ ພົມມະທັດ, ທ່ານດຣ. ສິນລະວົງ ຄຸດໄພທູນ, ທ່ານສອນໄຊ ສິພັນດອນ ເປັນກຳມະການກົມການເມືອງສູນກາງພັກປະຊາຊົນປະຕິວັດລາວ.
ວັນທີ 21 ມັງກອນ, ເຊິ່ງເປັນມື້ທີ 4 ຜູ້ແທນກອງປະຊຸມໄດ້ເລືອກຕັ້ງຄະນະບໍລິຫານງານສູນກາງພັກຊຸດໃໝ່ 69 ສະຫາຍແລະກຳມະການສຳຮອງ 8 ສະຫາຍ.