ວັນທີ6ກຸມພານີ້,ທ່ານບາຣັກ ໂອບາມາ ປະທານາທິບໍດີອາເມລິກາກ່າວວ່າ, ໃນແຜນງົບປະມານສົກປີ2017ທີ່ທ່ານຈະຍື່ນໃຫ້ລັດຖະສະພາອາເມລິກາໃນອາທິດໜ້າ,ທ່ານໄດ້ສະເໜີໃຫ້ເພີ່ມງົບປະມານດ້ານການຄົ້ນຄວ້າພັດທະນາພະລັງງານສະອາດຂຶ້ນ1ເທົ່າໃນສົກປີການເງິນ2021.
ອີງຕາມຂໍ້ສະເໜີຂອງທ່ານບາຣັກ ໂອບາມາ, ງົບປະມານດ້ານການຄົ້ນຄວ້າພັດທະນາພະລັງງານສະອາດຂອງອາເມລິກາຈະຈາກ6ຕື້400ລ້ານໂດລາໃນສົກປີການເງິນ2016ເພີ່ມຂຶ້ນຮອດ12ຕື້800ລ້ານໂດລາໃນສົກປີການເງິນ2021,ກໍ່ຄືຈະເພີ່ມຂຶ້ນ15%ລະເລ່ຍຕໍ່ປີ. ແຕ່ລັດຖະສະພາໃນປະຈຸບັນແມ່ນຄວບຄຸມໂດຍພັກສາທາລະນະລັດ ເຊິ່ງເປັນພັກຝ່າຍທີ່ມີຫຼັກໝັ້ນດ້ານບັນຫາດິນຟ້າອາກາດຕ່າງກັນກັບທ່ານບາຣັກ ໂອບາມາ,ສະນັ້ນ,ນັກວິເຄາະເຫັນວ່າ,ທີ່ຈິ່ງແລ້ວ,ຂໍ້ສະເໜີດັ່ງກ່າວແມ່ນບໍ່ສາມາດໄດ້ຮັບການສະໜັບສະໜູນອັນພຽງພໍຈາກລັດຖະສະພາ.
ທ່ານບາຣັກ ໂອບາມາຍັງໄດ້ກ່າວໃນອາທິດນີ້ວ່າ,ທ່ານໄດ້ສະເໜີໃຫ້ເກັບອາກອນນໍ້າມັນເຊື້ອໄຟ10ໂດລາຕໍ່ນາເຣວນໍາບໍລິສັດນໍ້າມັນເຊື້ອໄຟໃນແຜນງົບປະມານສະບັບໃໝ່ເພື່ອສະໜອງເງິນທຶນໃຫ້ແກ່ການພັດທະນາຄົມມະນາຄົມອະນຸລັກສິ່ງແວດລ້ອມຂອງອາເມລິກາ,ສື່ມວນຊົນເຫັນວ່າ,ຂໍ້ສະເໜີນີ້ກໍເປັນໄປໄດ້ຍາກທີ່ໄດ້ຮັບການຮັບຮອງຈາກລັດຖະສະພາເຊັ່ນດຽວກັນ.
