ວັນທີ 8 ກຸມພານີ້, ຂ່າວສານຢົນຮັບຂອງສ.ເກົາຫຼີໄດ້ນຳເອົາຂ່າວຈາກຝ່າຍທະຫານສ.ເກົາຫຼີມາລາຍງານວ່າ: ຕອນເຊົ້າມື້ດຽວກັນ, ເຮືອປ້ອງກັນຄວາມສະຫງົບລຳໜຶ່ງຂອງສ.ປ.ປ.ເກົາຫຼີໄດ້ຂ້າມ"ຊາຍແດນພາກເໜືອ", ແລະໄດ້ກັບຄືນພາຍຫຼັງຖືກກອງທັບເຮືອສ.ເກົາຫຼີກ່າວເຕືອນດ້ວຍການຍິງປືນໃຫຍ່.
ກອງທັບສ.ເກົາຫຼີເຫັນວ່າ: ຫຼັງຈາກສ.ປ.ປ.ເກົາຫຼີໄດ້ສົ່ງ"ລູກສອນໄຟໄລຍະໄກ"ໃນວັນທີ 7 ກຸມພານີ້ແລ້ວ, ອາດຈະທ້າທາຍເກາະຜິດຢູ່ບາງເຂດ,ເຈົ້າໜ້າທີ່ກອງທັບສ.ເກົາຫຼີກ່າວວ່າ: ປະຈຸບັນ,ກອງທັບສ.ເກົາຫຼີໄດ້ເພີ່ມທະວີການຕິດຕາມຕໍ່"ຊາຍແດນພາກເໜືອ" ແລະຕິດຕາມການເຄື່ອນໄຫວຂອງກອງທັບສ.ປ.ປ.ເກົາຫຼີຢ່າງໃກ້ຊິດ.
ສ.ເກົາຫຼີກັບສ.ປ.ປ.ເກົາຫຼີມີຄວາມຂັດແຍ້ງກັນໃນການຂີດແບ່ງຊາຍແດນຢູ່ເຂດທະເລທາງທິດຕາເວັນຕົກຂອງແຫຼມເກົາຫຼີມາໂດຍຕະຫຼອດ. ສ.ເກົາຫຼີໄດ້ກຳນົດຊາຍແດນທາງທະເລທີ່ຊື່ວ່າ"ຊາຍແດນພາກເໜືອ"ແຕ່ຝ່າຍດຽວ, ແຕ່ສ.ປ.ປ.ເກົາຫຼີບໍ່ໄດ້ຮັບຮອງ. ສະນັ້ນ, ສອງຝ່າຍໄດ້ເກີດການປະທະກັນເທິງທະເລຫຼາຍເທື່ອຍ້ອນເລື່ອງນີ້.
 |
