ຂ່າວສານຊິນຮວາລາຍງານວ່າ: ຕອນເຊົ້າວັນທີ 15 ກຸມພານີ້, ກອງປະຊຸມປະທານສະພາຄັ້ງທີ 61 ຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ໄດ້ຈັດຂຶ້ນຢູ່ຫໍສະພາປະຊາຊົນແຫ່ງຊາດຢູ່ນະຄອນຫຼວງປັກກິ່ງ ໂດຍການເປັນປະທານຂອງທ່ານ ຈ່າງເຕີຈ່ຽງ ປະທານສະພາປະຊາຊົນແຫ່ງຊາດຈີນ ໂດຍກອງປະຊຸມໄດ້ຕົກລົງວ່າ, ກອງປະຊຸມຄັ້ງທີ 19 ຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ຈະຈັດຂຶ້ນຢູ່ນະຄອນຫຼວງປັກກິ່ງແຕ່ວັນທີ 24-26 ກຸມພານີ້.
ກອງປະຊຸມປະທານສະພາຄັ້ງນີ້ໄດ້ສະເໜີວາລະກອງປະຊຸມຄັ້ງທີ 19 ຂອງຄະນະປະຈຳສະພາປະຊາຊົນແຫ່ງຊາດສະໄໝທີ 12 ເຊັ່ນ: ພິຈາລະນາຮ່າງກົດໝາຍວ່າດ້ວຍການສຳຫຼວດຂຸດຄົ້ນຊັບພະຍາກອນຢູ່ເຂດພື້ນທະເລຂອງທະເລເລິກ, ພິຈາລະນາບົດລາຍງານການກວດກາການຈັດຕັ້ງປະຕິບັດກົດໝາຍວ່າດ້ວຍອາຊີວະສຶກສາຂອງລັດຖະບານຈີນ, ບົດລາຍງານຄວາມເຫັນຂອງການພິຈາລະນາດັ່ງກ່າວແລະອື່ນໆ.
ກອງປະຊຸມຄັ້ງທີ 19 ຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ມີໜ້າທີ່ກະກຽມໃຫ້ແກ່ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນສະໄໝທີ 12.
 |
