ແຫຼ່ງຂ່າວຈາກເວັບໄຊລັດຖະບານຈີນໃຫ້ຮູ້ໃນວັນທີ 16 ກຸມພານີ້ວ່າ ເມື່ອບໍ່ດົນມານີ້, ລັດຖະບານຈີນໄດ້ໃຫ້ຄຳຊີ້ນຳໂດຍເຫັນດີດ້ານຫຼັກ ການຕໍ່ໂກຕາການຕັດໄມ້ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ 13 ພາຍຫຼັງກົມປ່າໄມ້ແຫ່ງຊາດກວດ ສອບມາກ່ອນແລ້ວນັ້ນ ເຊິ່ງໃນທົ່ວປະເທດມີເຖິງ 254 ລ້ານ 3 ໝື່ນກວ່າແມັດກ້ອນ.

ຄຳຊີ້ນຳດັ່ງກ່າວ ໄດ້ລະບຸຢ່າງຈະແຈ້ງວ່າ ໃນໄລຍະແຜນການ 5 ປີຄັ້ງທີ 13, ໂກຕາການຕັດໄມ້ທີ່ກຳນົດໄວ້ນັ້ນມີຈຳນວນຫຼວງຫຼາຍ ແລະ ເປືອງຜະລິດຕະພັນໄມ້ໃນລະດັບສູງສຸດແລ້ວ ເຊິ່ງທ້ອງຖິ່ນ ແລະ ພາກສ່ວນຕ່າງໆຈະຕ້ອງປະຕິບັດຕາມກົດໝາຍແລະຂໍ້ກຳນົດທີ່ກ່ຽວ ຂ້ອງເຊັ່ນ ກົດໝາຍວ່າດ້ວຍປ່າໄມ້ ແລະບໍ່ໃຫ້ກາຍຈຳນວນດັ່ງກ່າວ.