ວັນທີ 5 ມີນານີ້, ໃນໂອກາດກ່າວບົດລາຍງານວຽກງານຂອງລັດຖະບານ, ທ່ານຫຼີເຄີ້ສຽງ ນາຍົກລັດຖະມົນຕີຈີນກ່າວວ່າ, ປີ້ນີ້, ຈີນຈະຊຸກຍູ້ການເປີດປະຕູສູ່ພາຍນອກໃນລະດັບສູງຮອບໃໝ່ ແລະອອກແຮງເພື່ອບັນລຸການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ.
ຈີນຈະອອກແຮງຊຸກຍູ້ການສ້າງໜຶ່ງແລວທາງໜຶ່ງເສັ້ນທາງ, ວາງແຜນການພັດທະນາການເປີດປະຕູສູ່ພາຍນອກໃນບາງຂົງເຂດພາຍໃນປະເທດ ແລະການຮ່ວມມືທາງເສດຖະກິດສາກົນທັງໃຫ້ເປັນເອກະພາບກັນ, ຮ່ວມກັນສ້າງແລວທາງເສດຖະກິດທາງບົກແລະຈຸດຄໍ້າຊູການຮ່ວມມືທາງທະເລ, ຊຸກຍູ້ການເຊື່ອມຈອດກັນ, ການຮ່ວມມືເສດຖະກິດການຄ້າ, ການແລກປ່ຽນວັດທະນະທຳ, ສ້າງກົນໄກຮ່ວມມືການຜ່ານດ່ານລະຫວ່າງປະເທດຕາມແລວທາງເສດຖະກິດ, ສ້າງຊ່ອງທາງຂົນສົ່ງສິນຄ້າສາກົນ. ຊຸກຍູ້ການສ້າງເຂດຮວມມືເສດຖະກິດຊາຍແດນ, ເຂດຮ່ວມມືເສດຖະກິດຂ້າມຊາຍແດນແລະເຂດຮ່ວມມືເສດຖະກິດການຄ້ານອກແດນ. ຂະນະດຽວກັນ ກໍຍຶດໝັ້ນການປຶກສາຫາລືແລະສ້າງສາຮ່ວມກັນ, ແລະແບ່ງປັນຜົນປະໂຫຍດນຳກັນ, ເຮັດໃຫ້ ໜຶ່ງແລວທາງໜຶ່ງເສັ້ນທາງ ກາຍເປັນຂົວແຫ່ງສັນຕິພາບແລະມິດຕະພາບ ທັງເປັນເສັ້ນທາງແຫ່ງຄວາມຈະເລີນຮຸ່ງເຮືອງພ້ອມກັນ.
ນອກນີ້, ຈີນຈະເປີດກວ້າງການຮ່ວມມືເພີ່ມຂີດຄວາມສາມາດໃນການຜະລິດກັບສາກົນໂດຍຖືເອົາຄວາມເຫັນເຈົ້າຂອງວິສາຫະກິດ, ລັດຖະບານເປັນຜູ້ຊຸກຍູ້, ຂະຫຍາຍຕົວຕາມກົດເກນຕະຫຼາດ, ດໍາເນີນໂຄງການແບບຢ່າງສຳຄັນຈໍານວນໜຶ່ງ. ທັງຈະສ້າງກອງທຶນການຮ່ວມມືກັບຕ່າງປະເທດທີ່ເປັນເງິນຢວນຈີນ ແລະສ້າງຍີ່ຫໍ້ທີ່ມີຊື່ສຽງໃນຂະແໜງການຜະລິດຂອງຈີນ.
 |
