ຈີນ​ສະໜັບສະໜູນວິ​ສາ​ຫະກິດ​ປະ​ເທດຕົນ​ໄປລົງທຶນ​ຢູ່​ຕ່າງປະ​ເທດຢ່າງຕັ້ງໜ້າ
2016-03-08 15:47:00  cri 
ວັນ​ທີ 7 ມີນາ​ນີ້, ຄະນະ​ຜູ້​ແທນ​ແຂວງ​ເຈີ້​ຈ່ຽງທີ່​ເຂົ້າຮ່ວມ​ກອງ​ປະຊຸມ​ສະພາ​ປະຊາຊົນ​ແຫ່ງ​ຊາດ​​ຄັ້ງທີ 4 ຊຸດ​ທີ 12 ​ໄດ້​ຈັດ​ກອງ​ປະຊຸມ​ຄົບ​ຄະນະ ​ເພື່ອ​ຄົ້ນຄວ້າ​ພິຈາລະນາ​ຮ່າງ​ແຜນ​ແມ່​ບົດ "​ແຜນການ 5 ປີ​ຄັ້ງທີ 13" ​ແລະ​ໃນ​ໂອກາດ​ທ່ານ​ຫວາງ​ຢີ້ ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ຈີນ​​ເຂົ້າຮ່ວມ​ກອງ​ປະຊຸມຄັ້ງນີ້ ກໍ​ໄດ້ກ່າວ​ວ່າ: ອາ​ຟຣິກກາ​ແມ່ນ​ໜຶ່ງ​ໃນ​ທິດ​ທາງ​ສຳຄັນຂອງ​ການຮ່ວມມື​ດ້ານ​ຄວາມ​ສາມາດ​​ໃນການ​ຜະລິດຂອງ​ຈີນ, ​ໂຄງ​ປະກອບ​ດ້ານ​ຄວາມ​ສາມາດ​ໃນ​ການ​ຜະລິດ​ຂອງ​ອາ​ຟຣິກກາ​ກັບ​ຈີນ​ມີ​ລັກສະນະ​ຊ່ວຍ​ໜູນກັນ​ໃນ​ລະດັບ​ສູງ​, ທິດ​ທາງ​ການ​ຮ່ວມ​ມື​ລະຫວ່າງ​ສອງ​ຝ່າຍ​ໄດ້​ສອດຄ່ອງ​ກັບ​ຄວາມ​ຕ້ອງການ​ຂອງ​ອາ​ຟຣິກກາ​ຢ່າງ​ແທ້​ຈິງ ການ​ຮ່ວມ​ມື​ລະຫວ່າງ​ຈີນ-ອາ​ຟຣິກກາ​ໃນ​ປັດຈຸບັນ​​ໄດ້​ກ່ຽວ​ພັນ​ເຖິງ​ຂົງ​ເຂດ​ການ​ລົງທຶນ ​ແລະ ການ​ຮ່ວມ​ມື​ດ້ານ​ຄວາມ​ສາມາດ​ໃນ​ການ​ຜະລິດ ຫຼາຍກວ່າ, ສ່ວນ​ໃນ​ລະດັບ​ຊາດ​ກໍ​ຖື​ເອົາອາ​ຟຣິກກາ​ເປັນ​ທິດ​ທາງ​ສຳຄັນ​ແຫ່ງ​ການ​ຮ່ວມ​ມື​ດ້ານ​ຄວາມ​ສາມາດ​ໃນ​ການ​ຜະລິດ. ​ແນວ​ໃດ​ກໍ​ດີ, ປະ​ເທດ​ອາ​ຟຣິກກາ​ຕ້ອງການ​​ອຸປະກອນ, ​ເຕັກນິກ, ບົດຮຽນ​ການ​ຄຸ້ມ​ຄອງ, ບຸກຄະລາ​ກອນ ລວມທັງ​ການ​ສະໜັບ​ສະ​ໜູນ​ດ້ານ​ການ​ລະດົມ​ທຶນ ​ເຊິ່ງທັງ​ໝົດເຫຼົ່ານີ້ ຈີນ​ຈະ​ສາມາດ​ຕອບ​ສະໜອງ​ໄດ້ 100% ​ແລະ​ຖື​ວ່າ ຈີນ​​ໄດ້ສະໜັບສະໜູນວິ​ສາ​ຫະກິດ​ປະ​ເທດຕົນ​ໄປລົງທຶນ​ຢູ່​ຕ່າງປະ​ເທດຢ່າງ​ຕັ້ງໜ້າ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ