ກອງປະຊຸມສະພາປະຊາຊົນແຫ່ງຊາດຄັ້ງທີ 4 ຊຸດທີ 12 ໄດ້ຈັດງານຖະແຫຼງຂ່າວໃນວັນທີ 8 ມີນານີ້ ໂດຍທ່ານຫວາງຢີ້ ລັດຖະມົນຕີວ່າການກະຊວງການຕ່າງປະເທດຈີນ ໄດ້ຕອບຄຳຖາມຂອງນັກຂ່າວກ່ຽວກັບມະຕິຂວ້ຳບາດ ສປປ ເກົາຫຼີຂອງອົງການສະຫະປະຊາຊາດວ່າ: ປັດຈຸບັນ, ສະຖານະການຢູ່ແຫຼມເກົາຫຼໍ່ແຫຼມທີ່ສຸດ ເຊິ່ງເຕັມໄປດ້ວຍຄວາມເຄັ່ງຕຶງ. ຈີນຈະບໍ່ເມີຍເສີຍ ປ່ອຍໃຫ້ສະຖຽນລະພາບຂອງແຫຼມເກົາຫຼີຖືກທຳລາຍໂດຍພື້ນຖານ ແລະເຮັດໃຫ້ຜົນປະໂຫຍດທາງຄວາມໝັ້ນຄົງຂອງຈີນຖືກທຳຮ້າຍໂດຍໄຮ້ສາລະ. ພວກຂ້າພະເຈົ້າເຕືອນຢ່າງເຄັ່ງຂຶມໃຫ້ຝ່າຍຕ່າງໆທີ່ກ່ຽວຂ້ອງຈົ່ງຮັກສາຄວາມອົດທົນແລະມີສະຕິ ບໍ່ຄວນເຮັດໃຫ້ຄວາມຂັດແຍ້ງ ຮ້າຍແຮງຍິ່ງຂຶ້ນ.
ທ່ານຫວາງຢີ້ ກ່າວຕື່ມວ່າ: ບັນຫານິວເຄລຍຂອງແຫຼມເກົາຫຼີທີ່ເຊື່ອແຕ່ການຂວ້ຳບາດແລະການເນັ້ນຄວາມກົດດັນແຕ່ຢ່າງດຽວນັ້ນເປັນໄປບໍ່ໄດ້, ຄວາມຈິງແລ້ວມັນເປັນການກະທຳທີ່ບໍ່ມີຄວາມຮັບຜິດຊອບຕໍ່ອະນາຄົດຂອງແຫຼມເກົາຫຼີທັງນັ້ນ. ສະນັ້ນ, ຈີນຈຶ່ງໄດ້ນຳສະເໜີແນວຄິດການເຈລະຈາ ເພື່ອຊຸກຍູ້ການບັນລຸເປົ້າໝາຍການປອດນິວເຄລຍຢູ່ແຫຼມເກົາຫຼີກັບການຫັນປ່ຽນກົນໄກຢຸດຍິງໃຫ້ເປັນກົນໄກສັນຕິພາບດຳເນີນໄປຄວບຄູ່ກັນ ເຊິ່ງການປອດນິວເຄລຍແມ່ນເປົ້າໝາຍເດັດຂາດຂອງປະຊາຄົມໂລກ. ສ່ວນແນວຄິດຂອງຝ່າຍອື່ນໆທີ່ກ່ຽວຂ້ອງຈະເປັນແນວໃດນັ້ນ ກໍຂໍໃຫ້ເປັນຜົນດີຕໍ່ການຟື້ນຟູການເຈລະຈາ 6 ຝ່າຍຄືນໃໝ່ ໂດຍພວກຂ້າພະເຈົ້າໄດ້ເປີດກວ້າງແລະກໍຈະຍຶດໝັ້ນທ່າທີນີ້.
