ໃນກອງປະຊຸມຂ່າວທີ່ຈັດຂຶ້ນຢູ່ສູນມີເດຍໃນຕອນເຊົ້າວັນທີ 8 ມີນານີ້, ທ່ານ ວາງຢີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວຈີນແລະຕ່າງປະເທດກ່ຽວກັບນະໂຍບາຍການຕ່າງປະເທດແລະການພົວພັນກັບຕ່າງປະເທດຂອງຈີນ.
ໃນໂອກາດກ່າວເຖິງບັນຫາທະເລຈີນໃຕ້, ທ່ານ ວາງຢີ້ ກ່າວວ່າ, ທະເລຈີນໃຕ້ ແມ່ນດິນແດນຂອງຈີນມາແຕ່ບູຮານນະການ, ການທີ່ຈີນສ້າງສິ່ງກໍ່ສ້າງແບບປ້ອງກັນຢູ່ທະເລຈີນໃຕ້ ແມ່ນສິດທີ່ຖືກຕ້ອງຕາມກົດໝາຍສາກົນ, ຂະນະດຽວກັນ, ຈີນກໍບໍ່ເຄີຍມີຄວາມເຫັນຢາກໄດ້ດິນແດນໃໝ່ຈັກເທື່ອ. ແນວໃດກໍດີ, ທະເລຈີນໃຕ້ແມ່ນເຂດໜຶ່ງທີ່ເດີນເຮືອເສລີທີ່ສຸດແລະປອດໄພທີ່ສຸດໃນໂລກ. ຂະນະດຽວກັນ, ການເດີນທະເລຢ່າງເສລີຢູ່ທະເລຈີນໃຕ້ ບໍ່ແມ່ນເສລີຕາມລຳພັງໃຈ ແລະທະເລຈີນໃຕ້ກໍບໍ່ແມ່ນຈຸດທີ່ບາງປະເທດສະແດງກຳລັງອາວຸດ, ການທີ່ເວົ້າວ່າ "ຈີນຫັນທະເລຈີນໃຕ້ເປັນການທະຫານ" ນັ້ນບໍ່ມີເຫດຜົນແຕ່ປະການໃດ, ຈີນມີຄວາມຫວັງໃຫ້ທະເລຈີນໃຕ້ມີສັນຕິພາບຫຼາຍກວ່າປະເທດໃດໝົດ. ບາງປະເທດຢາກຈະກໍ່ຄວາມວຸ້ນວາຍຢູ່ທະເລຈີນໃຕ້ ກໍຄືຢູ່ອາຊີ, ຈີນຈະບໍ່ຍອມເປັນເດັດຂາດ ແລະຫຼາຍໆປະເທດຢູ່ພາກພື້ນນີ້ກໍຈະບໍ່ຍິນຍອມຢ່າງແນ່ນອນເຊັ່ນດຽວກັນ.
 |
