ຕາມຂ່າວສານຊິນຮວາ: ວັນທີ 8 ມີນານີ້ ຢູ່ນະຄອນຫຼວງປັກກິ່ງ, ທ່ານ ວາງຢີ້ ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ພວກເຮົາມີຄວາມໝັ້ນໃຈຢ່າງເຕັມປ່ຽມຕໍ່ອະນາຄົດຂອງສາຍພົວພັນຈີນ-ມຽນມາ ແລະກໍມີຄວາມໝັ້ນໃຈອັນເຕັມປ່ຽມຕໍ່ອະນາຄົດຂອງມຽນມາເຊັ່ນດຽວກັນ.
ທ່ານ ວາງຢີ້ ກ່າວວ່າ, ມິດຕະພາບຈີນ-ມຽນມາ ໄດ້ຝັງເລິກຢູ່ໃນໃຈຂອງປະຊາຊົນສອງຊາດ ແລະມີພະລັງຢ່າງແຂງແຮງ ທັງຈະບໍ່ປ່ຽນແປງຕາມສະຖານະການຢູ່ພາຍໃນປະເທດມຽນມາ. ພວກເຮົາມີຄວາມໝັ້ນໃຈຢ່າງເຕັມປ່ຽມຕໍ່ອະນາຄົດຂອງສາຍພົວພັນຈີນ-ມຽນມາ, ຂະນະທີ່ທ່ານນາງ ອອງຊານຊູຈີ ພ້ອມດ້ວຍສັນນິບາດປະຊາທິປະໄຕແຫ່ງຊາດມຽນມາ ໄດ້ມີການໄປມາຫາສູ່ກັນຢ່າງມີໄມຕີຈິດກັບຈີນຕະຫຼອດມາ ອັນໄດ້ສ້າງຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນລະຫວ່າງສອງຝ່າຍເພີ່ມທະວີຂຶ້ນເລື້ອຍໆ. ນອກນີ້ ພວກເຮົາຍັງມີຄວາມໝັ້ນໃຈຢ່າງເຕັມປ່ຽມຕໍ່ອະນາຄົດຂອງມຽນມາເຊັ່ນດຽວກັນ.
ທ່ານ ວາງຢີ້ ກ່າວຕື່ມວ່າ, ຈີນແລະມຽນມາແມ່ນປະເທດເພື່ອນບ້ານໃກ້ຄຽງທີ່ບໍ່ສາມາດແຍກອອກຈາກກັນໄດ້. ພວກເຮົາຍິນດີຊ່ວຍເຫຼືອ ພັດທະນາມຽນມາໃຫ້ດີຂຶ້ນ ແລະໄວຂຶ້ນກວ່າເກົ່າ.
 |
