ຕາມ​ຂ່າວສານ​ຊິນ​ຮວາ: ຮ່າງ​ແຜນການ 5 ປີ​ຄັ້ງທີ 13 ຂອງ​ຈີນ​​ໄດ້​ກຳນົດ​ວ່າ, ຈະ​ຈັດ​ເອົາ​ການ​ສຳຫຼວດອະວະກາດ​ພ້ອມ​ດ້ວຍ​ລະບົບ​ບໍລິການ​ແລະ​ປົກ​ປັກ​ຮັກສາ​ຍານ​ອະວະກາດ​ຢູ່​ວົງ​ໂຄຈອນ ​ເປັນ​ໂຄງການ​ວິທະຍາສາດ​ເຕັກ​ໂນ​ໂລ​ຊີ​ທີ່​​ຍິ່ງໃຫຍ່ ໜຶ່ງ​ໃນ 6 ​ໂຄງການ​ສຳຄັນ​ໃນການ​ປະດິດ​ສ້າງ​ວິທະຍາສາດ​ເຕັກ​ໂນ​ໂລ​ຊີ 2030. ​ໃນ​ໂອກາດ​ໃຫ້​ສຳພາດ​ຕໍ່​ນັກ​ຂ່າວ​ຂ່າວສານ​ຊິນ​ຮວາ​ເມື່ອວັນ​ທີ 8 ມີນາ​ນີ້, ທ່ານ ​ໂຈ່​ວຈ້ຽນພິງ ນັກ​ອອກ​ແບບ​ໃຫຍ່​​ໂຄງການ​ການບິນ​ອະ​ວະ​ກາດ​ບັນທຸກ​ຄົນ​ຂອງ​ຈີນ​ໃຫ້​ຮູ້​ວ່າ, ປະ​ເທດ​ຈີນ​ມີ​ແຜນ​ຈະ​ສ້າງ​ສະຖານີ​ອະວະກາດ​ກ່ອນຫຼືຫຼັງປີ 2020 ​ໃຫ້​ເປັນ​ຫ້ອງ​ທົດ​ລອງ​ລະດັບ​ຊາດ​ຂອງ​ຈີນ​ໃນ​ອະວະກາດ.

    ທ່ານ ​ໂຈ່​ວຈ້ຽນພິງ ກ່າວ​ວ່າ, "ສະຖານີ​ອະວະກາດ​ຈະ​ສະໜັບສະໜູນ​ນັກວິທະຍາ​ດ​ໃນ​ການ​ສຳຫຼວດວິທະຍາສາດ​ແນວ​ໜ້າ, ຄົ້ນຄວ້າ​ເຕັກນິກ​ອະວະກາດ, ການ​ພັດທະນາ​ແລະ​ນຳ​ໃຊ້​ຊັບພະຍາກອນ​ອະວະກາດ, ຂະນະ​ທີ່​ຈຸດໝາຍ​ປາຍທາງ​ທີ່​ສຳຄັນ​ຄື​ສ້າງ​ຄວາມສຸກ​ໃຫ້​​ມວນ​ມະນຸດ."