ທ່ານສູນທອນ ຄັນທະວົງ ອຳນວຍການຂ່າວສານປະເທດລາວໃຫ້ສຳພາດຕໍ່ນັກຂ່າວ CRI
ໃນກອງປະຊຸມຂ່າວຂອງທ່ານວາງອີ້ ລັດຖະມົນຕີວ່າການກະຊວງການຕ່າງປະເທດຈີນທີ່ໄຂຂຶ້ນໃນວັນທີ 8 ມີນານີ້, ທ່ານວາງອີ້ໄດ້ຊີ້ອອກວ່າ, ເຖິງວ່າຈີນເປັນຜູ້ລິເລີ່ມສ້າງຍຸດທະສາດ "ໜຶ່ງແລວທາງ ໜຶ່ງເສັ້ນທາງ" ກໍ່ຕາມ, ແຕ່ໂອກາດທີ່ເກີດຈາກຍຸດທະສາດນີ້ແມ່ນຂອງທົ່ວໂລກ. "ໜຶ່ງແລວທາງໜຶ່ງເສັ້ນທາງ" ໄດ້ຍຶດຖືຫຼັກການປຶກສາຫາລືຮ່ວມກັນ, ສ້າງສາຮ່ວມກັນແລະໄດ້ຮັບຜົນປະໂຫຍດນຳກັນ, ສິ່ງທີ່ຈະນຳມາໃຫ້ທົ່ວໂລກນັ້ນ ຍ່ອມຈະແມ່ນຄວາມຈະເລີນຮຸ່ງເຮືອງອັນໃໝ່ທີ່ແຜ່ນດິນໃຫຍ່ອາຊີເອີລົບຮ່ວມກັນພັດທະນາ. ໃນເວລາໃຫ້ສຳພາດຕໍ່ນັກຂ່າວ CRI, ທ່ານສູນທອນ ຄັນທະວົງ ອຳນວຍການຂ່າວສານປະເທດລາວ ກ່າວວ່າ:
"ຂ້າພະເຈົ້າເອງໃນນາມສື່ມວນຊົນກໍ່ໄດ້ເຂົ້າຮ່ວມງານສຳມະນາກ່ຽວກັບ "ໜຶ່ງແລວທາງ ໜຶ່ງເສັ້ນທາງ" 2-3 ຄັ້ງແລ້ວ, (ເຫັນວ່າ ຍຸດທະສາດນີ້ ) ສາມາດເຊື່ອມຈອດຫາກັນໝົດທຸກພາກພື້ນຫາທົ່ວໂລກນີ້. ການປະຕິບັດນະໂຍບາຍອັນນີ້ ຈະເຮັດໃຫ້ໝົດທຸກຄົນໃນໂລກນີ້ ໂດຍສະເພາະຢູ່ໃນພາກພື້ນແຫ່ງນີ້ ກ້າວໄປສູ່ທົ່ວໂລກ ໃຫ້ມີການເຊື່ອມຈອດກັນ ມີການພົວພັນກັນ ມີການຮ່ວມມືກັນ. ຄືເພິ່ນເວົ້າວ່າການປະຕິບັດນະໂຍບາຍອັນນີ້ແມ່ນເພື່ອການຮ່ວມມື, ເພື່ອຜົນປະໂຫຍດຮ່ວມກັນ, ເພື່ອແບ່ງຜົນປະໂຫຍດຮ່ວມກັນ ແລະແບ່ງຮັບຜິດຊອບນຳກັນ, ບໍ່ແມ່ນວ່າໃຫ້ແຕ່ຜູ້ໃດຜູ້ໜຶ່ງມີຜົນປະໂຫຍດທໍ່ນັ້ນ. ສະນັ້ນ ໃນບັນດາຊື່ມວນຊົນ ທີ່ເປັນພາກສ່ວນໜຶ່ງທີ່ສຳຄັນໃນການປຸກລະດົມປະຊາຊົນເພື່ໃຫ້ເຂົ້າໃຈແນວທາງ ໃຫ້ເຂົ້າໃຈຄວາມສຳຄັນຂອງນະໂຍບາຍດັ່ງກ່າວ, ສະນັ້ນພວກເຮົາກໍ່ມີຄວາມເປັນເອກະພາບກັນຢູ່ໃນກອງປະຊຸມຫົວໜ້າສື່ມວນຊົນ ວ່າເຫັນດີສະໜັບສະໜຸນນະໂຍບາຍນີ້ ແລະຈະເຜີຍແຜ່ໂຄສະນາໃຫ້ປະຊາຊົນເຂົ້າໃຈ."
ໃນກອງປະຊຸມຂ່າວຂອງລັດຖະມົນຕີການຕ່າງປະເທດຈີນໃນວັນທີ 8 ມີນານີ້ ທ່ານວາງອີກ່າວວ່າ, ຈີນຍິນດີຖືບັນດາປະເທດຢູ່ອາຊີຕາເວັນອອກສຽງໃຕ້ເປັນຄູ່ຮ່ວມມືທີ່ໃຫ້ບູລິມະສິດ ໃນການສ້າງສາ "ໜຶ່ງແລວທາງໜຶ່ງເສັ້ນທາງ". ທ່ານສູນສອນກໍ່ມີການຕີລາຄາເປັນຢ່າງດີຕໍ່ການປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແລະເວົ້າວ່າ ປະເທດລາວຄອງຄອຍທີ່ສຸດທີ່ຈະເພີ່ມທະວີການຮ່ວມມືກັບຈີນ.
"ລາວເຮົານີ້ຄອງຄອຍທີ່ສຸດ ຄ່ອງຄອຍທີ່ສຸດການຮ່ວມມືລະຫວ່າງລາວ-ຈີນ, ປະຊາຊົນລາວກໍ່ເວົ້າແຈ້ງຫຼາຍທີ່ວ່າ ຖ້າຈີນບໍ່ມາຊ່ວຍເຮົາ ຫຼາຍອັນແມ່ນເຮັດບໍ່ໄດ້. ສົມມຸດວ່າ ມໍ່ໆຜ່ານມາ ດາວທຽມ ຄັນຈີນບໍ່ຊ່ວຍກໍ່ບໍ່ເກີດ, ໂຄງການລົດໄຟ ຄັນຈີນບໍ່ຮ່ວມມືກັນ ມັນກໍ່ເປັນໄປບໍ່ໄດ້. ສະນັ້ນ ປະຊາຊົນແມ່ນດີໃຈທີ່ໄດ້ເຫັນມີໂຄງການໃຫຍ່ໆຕໍ່ໄປ ໂດຍສະເພະແມ່ນປະຊາຊົນຢູ່ບ່ອນທຸກຍາກຢູ່ເຂດຫ່າງໄກສອກຫຼີກ, ແຕ່ກໍ່ມີຄົນຈີນໄປຮອດ, ເຫັນວ່າຄົນຈີນໄປຮອດບ່ອນໃດ, ກໍ່ເຫັນວ່າສິນຄ້າ ຫຼືຜະລິດຕະພັນອຸປະກອນເຄື່ອນໃຊ້ປະຈຳວັນຢູ່ບ່ອນນັ້ນກໍ່ມີຄວາມອຸດົມສົມບຸນຂຶ້ນ, ປະຊາຊົນກໍ່ໄດ້ຊົມໃຊ້, ອັນນີ້ກໍ່ແມ່ນນຳເອົາວັດຖຸສິ່ງຂອງ ເຄື່ອງອຸປະໂພກບໍລິໂພກ ນຳເອົາຄວາມຢູ່ດີກິນດີ ນຳເອົາຄວາມສີວິໄລໄປຫາກັນ, ເຫັນວ່າອັນນີ້ແມ່ນນະໂຍບາຍທີ່ດີທີ່ສຸດ,ອັນນີ້ແມ່ນເວົ້າຈາກດ້ານນ້ອຍໆ. ເວົ້າຈາກດ້ານໃຫຍ່ແລ້ວກໍ່ຄືການເຊື່ອມໂຍງກັນທີ່ພວກເຮົາເວົ້າເລຶ້ອຍໆ ເຊິ່ງບໍ່ພຽງແຕ່ໝາຍເຖິງຄົມມະນາຄົມທໍ່ນັ້ນ, ຍັງໝາຍເຖິງລະບົບເຄືອຂ່າຍອີກ."
ຍ້ອນຄວາມຕ້ອງການດ້ານວຽກງານ, ທ່ານສູນທອນເຄີຍໄປຢ້ຽມຢາມຢູ່ຫຼາຍທ້ອງຖີ່ນຂອງຈີນ, ສະນັ້ນ ທ່ານກໍ່ຄວາມປະທັບໃຈຢ່າງເລິກເຊິ່ງກ່ຽວກັບວຽກງານລຶບລ້າງຄວາມທຸກຍາກຂອງຈີນ, ທ່ານບອກໃຫ້ຮູ້ວ່າ:
"ກ່ຽວກັບບັນຫາລຶບລ້າງຄວາມທຸກຍາກ ຖືວ່າດີຫຼາຍ.ຫວ່າງແລ້ວນີ້ ພວກເຮົາໄດ້ໄປທັດສະນະສຶກສາຢູ່ຈີນ,ເພິ່ນກໍ່ໄດ້ຍົກໃຫ້ເຫັນກ່ຽວກັບບັນຫາລຶບລ້າງຄວາມທຸກຍາກ, ຖືວ່າເປັນບູລິມະສິດໜຶ່ງພ້ອມທັງການຈັດສັນທີ່ຢູ່ອາໃສ ການປະຕິບັດນະໂຍບາຍສະຫວັດດີການສັງຄົມ. ນະໂຍບາຍໂຕນີ້ແມ່ນຄວາມເປັນຫ່ວງເປັນໃຍຂອງພັກຂອງລັດຕໍ່ປະຊາຊົນ, ເຖິງວ່າຈີນພັດທະນາຫຼາຍແລ້ວ ແຕ່ຍັງຖືນະໂຍບາຍນີ້ປັນບູລິມະສິດ ຖືວ່າດີຫຼາຍ. "
ກ່ຽວກັບວຽກງານຕ້ານການສໍ້ລາດບັງຫຼວງຂອງຈີນ ທ່ານສູນສອນກໍ່ໄດ້ໃຫ້ຄວາມສົນໃຈຢ່າງສູງ, ທ່ານກ່າວວ່າ:
"ນັບແຕ່ທ່ານສີຈິ້ນຜິງ ຂຶ້ນມາເປັນຜູ້ນຳສູງສຸດຂອງຈີນ ກໍ່ເລີ່ມປະຕິບັດວຽກງານ (ຕ້ານການສໍ້ລາດບັງຫຼວງແລະເສຍທາດຂາດຄຸນ) ໂຕນີ້, ບົດຮຽນຂອງຈີນເວົ້າລວມແລ້ວກໍ່ຄື ບໍ່ວ່າເຈົ້າຢູ່ໃນຂັ້ນໃດ ຖ້າວ່າເຈົ້າຜິດແລ້ວກໍ່ຕ້ອງໄດ້ແກ້. ອັນນີ້ແມ່ນສຸດທີ່ຊົມເຊີຍ. ເວລາຂ້າພະເຈົ້າໄປຈີນ ກໍ່ຖາມປະຊາຊົນວ່າ ເປັນຫຍັງທ່ານສີຈິ້ນຜິງເພິ່ນຢູ່ໄດ້, ປະຊາຊົນຕອບວ່າເພິ່ນປາບການສໍ້ລາດບັງຫຼວງ,ຖືກໃຈປະຊາຊົນ ແລະບໍ່ມີໃຜສາມາດຕ້ານໄດ້, ເຮັດເພື່ອປະຊາຊົນ. ສະນັ້ນນີ້ກໍ່ຖືວ່າແມ່ນນະຍໂບາຍທີ່ເປັນຕາພົ້ນເດັ່ນຂອງຈີນ,ແລະພວກເຣົາກໍ່ຈະເຮັດຄືແນວນັ້ນ."
