ແຫຼ່ງຂ່າວຈາກງານຖະແຫຼງຂ່າວກິດຈະກຳຫົວຂໍ້ແຂວງໄຫຫຼຳຂອງກອງປະຊຸມປະຈຳປີ 2016 ໃນເວທີປຶກສາຫາລືອາຊີໂປອາວໃຫ້ຮູ້ໃນວັນທີ 15 ມີນານີ້ວ່າ, ໃນກອງປະຊຸມເວທີປຶກສາຫາລືອາຊີໂປອາວປີນີ້ຈະຈັດກິດຈະກຳຫົວຂໍ້ແຂວງໄຫຫຼຳ 18 ກິດຈະກຳ ລວມທັງກອງປະຊຸມໂຕະມົນ "ຜູ້ນຳແລະຜູ້ຊ່ຽວຊານນັກທຸລະກິດຈີນ" ເຊິ່ງແຂວງໄຫຫຼຳ ແລະ ຫ້ອງການກິດຈະການຊາວຕ່າງປະເທດເຊື້ອສາຍຈີນແລະຊາວຈີນຕ່າງດ້າວຂອງລັດຖະບານຈີນຮ່ວມກັນເປັນເຈົ້າພາບ. ປັດຈຸບັນ, ມີຜູ້ຢືນຢັນຈະເຂົ້າຮ່ວມກອງປະຊຸມຄັ້ງນີ້ເປັນຕົ້ນນັກທຸລະກິດເຊື້ອສາຍຈີນທີ່ມີຊື່ສຽງໃນໂລກ 25 ທ່ານ ແລະ ຜູ້ຊ່ຽວຊານ 5 ທ່ານ ເຊິ່ງກວມເອົາຫຼາຍຂະແໜງການແລະຂົງເຂດ ເຊັ່ນ ກະສິກຳ, ຂະແໜງການຜະລິດອຸດສາຫະກຳ, ຂະແໜງການອະສັງຫາລິມະຊັບ, ຂະແໜງການທະນາຄານ ແລະອື່ນໆ.
ກອງປະຊຸມປະຈຳປີ 2016 ຂອງເວທີປຶກສາຫາລືອາຊີໂປອາວຈະຈັດຂຶ້ນຢູ່ເມືອງໂປອາວແຂວງໄຫຫຼຳແຕ່ວັນທີ 22-25 ມີນານີ້ ໂດຍມີຫົວຂໍ້ວ່າ "ອະນາຄົດຂອງອາຊີ: ຄວາມມີຊີວິດຊີວາແລະວິໄສທັດໃໝ່".
