ຂ່າວສານຊິນຮວາລາຍງານວ່າ: ຕອນເຊົ້າວັນທີ 15 ມີນານີ້, ກອງປະຊຸມເທື່ອທີ 4 ຂອງສະພາປະຊາຊົນແຫ່ງຊາດຈີນຊຸດທີ 12 ໄດ້ຈັດກອງປະຊຸມຄະນະຜູ້ແທນໂດຍພິຈາລະນາ 4 ຮ່າງຍັດຕິຄື ບົດລາຍງານວຽກງານລັດຖະບານ, ແຜນພັດທະນາເສດຖະກິດສັງຄົມ 5 ປີຄັ້ງທີ 13, ແຜນປະຈຳປີແລະງົບປະມານປະຈຳປີ ທັງຈັດກອງປະຊຸມຄະນະປະທານເທື່ອທີ 3 ແລະກອງປະຊຸມຂ່າວ ເພື່ອຕອບຄຳຖາມບັນຫາທີ່ກ່ຽວຂ້ອງກັບ "ການປັບປຸງເງື່ອນໄຂຊີວິດການເປັນຢູ່ຂອງຄອບຄົວທຸກຍາກແລະວຽກງານທີ່ດິນ".
ຂະນະທີ່ຕອນບ່າຍວັນດັ່ງກ່າວຈະຈັດກອງປະຊຸມຄົບຄະນະຂອງຄະນະຜູ້ແທນ ໂດຍຈະພິຈາລະນາຮ່າງຍັດຕິຕ່າງໆ, ບົດຄວາມເຫັນກ່ຽວກັບກົດໝາຍວ່າດ້ວຍການກຸສົນແລະຂໍ້ຕົກລົງຂອງຄະນະປະຈຳສະພາປະຊາຊົນແຫ່ງຊາດຈີນກ່ຽວກັບການຮັບຮອງເອົາການລາອອກຈາກສະມາຊິກຄະນະດັ່ງກ່າວຂອງທ່ານ ຫວງເຣິ້ນຊິວ ທັງຈະຈັດກອງປະຊຸມຄະນະປະທານເທື່ອທີ 4.
 |
