ເດືອນພະຈິກປີຜ່ານມາ, ກອງປະຊຸມລັດຖະມົນຕີຕ່າງປະເທດຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດ ໄດ້ຈັດຂຶ້ນຢູ່
ເມືອງຊຽງຮຸ່ງ ເທດສະບານກິ່ງແຂວງສິບສອງພັ່ນນາແຂວງຢຸນນານຈີນ ທີ່ຂັ້ນກັບປະເທດລາວແລະມຽນມາພຽງແຕ່ນ້ຳ ສາຍດຽວ
ໂດຍມີທ່ານຫວາງຢີ້ ລັດຖະມົນຕີວ່າການກະຊວງການຕ່າງປະເທດຈີນ ແລະ ລັດຖະມົນຕີວ່າການກະຊວງການຕ່າງປະເທດຂອງ
5 ປະເທດລຸ່ມແມ່ນ້ຳຂອງເຂົ້າຮ່ວມຢ່າງພ້ອມພຽງ. ໃນກອງປະຊຸມດັ່ງກ່າວໄດ້ເຜີຍແຜ່ "ນິຍາມການຮ່ວມມືແມ່ນ້ຳລ້ານຊ້າງ-ແມ່ນ້ຳ
ຂອງ" ແລະ"ຖະແຫຼງຂ່າວຮ່ວມ" ໂດຍປະກາດເລີ່ມຕົ້ນຂະບວນການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ຂະນະທີ່ຝ່າຍຕ່າງໆ
ໄດ້ບັນລຸຄວາມເປັນເອກະພາບຢ່າງກວ້າງຂວາງກ່ຽວກັບທິດທາງແລະຂອບກົນໄກແຫ່ງການຮ່ວມມື ແລະເປັນເອກະສັນກັນເຫັນດີ
ເພີ່ມທະວີການຮ່ວມມືໃນ 3 ຂົງເຂດສຳຄັນ ຄື ການເມືອງ-ຄວາມໝັ້ນຄົງ, ເສດຖະກິດແລະການພັດທະນາແບບຍືນຍົງ, ສັງຄົມແລະ
ວັດທະນະທຳ ເຊິ່ງໃນໄລຍະປັດຈຸບັນຈະສຸມໃສ່ການຮ່ວມມືໃນ 5 ທິດທາງບູລິມະສິດ ຄື ການເຊື່ອມຈອດ, ຄວາມສາມາດໃນການ
ຜະລິດ, ເສດຖະກິດຂ້າມຊາຍແດນ, ຊັບພະຍາກອນນ້ຳ, ກະສິກຳ ແລະ ການຫຼຸດຜ່ອນຄວາມທຸກຍາກ. ນອກນີ້, ຝ່າຍຕ່າງໆຍັງໄດ້
ຫາລືກັນກ່ຽວກັບການຈັດກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດຂຶ້ນໂດຍໄວ.
 |
