ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງແມ່ນເພື່ອຫຍັງ?

ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ແມ່ນກົນໄກຮ່ວມມືໃນອະນຸພາກພື້ນແບບໃໝ່ຕາມຄວາມຮຽກຮ້ອງຕ້ອງການຮ່ວມຂອງ 6 ປະເທດ. ເຖິງວ່າ 6 ປະເທດມີສະພາບແຫ່ງຊາດແຕກຕ່າງກັນ, ແຕ່ມີຄວາມຕ້ອງການຮ່ວມມືທີ່ຮ່ວມກັນແລະມີທ່າແຮງຕ່າງຊ່ວຍຊູຍູ້ໜູນກັນໃນການຫັນເປັນອຸດສາຫະກຳ, ການກໍ່ສ້າງພື້ນຖານໂຄງລ່າງ, ການຍົກລະດັບອົງປະກອບອຸດສາຫະກຳ, ການເລັ່ງລັດຫັນກະສິກຳໃຫ້ເປັນທັນສະໄໝ ແລະການພັດທະນາຂະແໜງການທ່ອງທ່ຽວ.

ກົນໄກດັ່ງກ່າວແມ່ນເວທີທີ່ 6 ປະເທດປຶກສາຫາລືຮ່ວມກັນ, ສ້າງຮ່ວມກັນ ແລະຊົມໃຊ້ຮ່ວມກັນ. ປະເທດຕ່າງໆມີຖານະສະເໝີພາບກັນໃນກົນໄກດັ່ງກ່າວ, ຖືຫຼັກການປຶກສາຫາລືເປັນເອກະພາບກັນ ແລະສະເໝີພາບຕ່າງຝ່າຍຕ່າງມີຜົນປະໂຫຍດ, ຮ່ວມກັນວາງແຜນການຮ່ວມມືໂດຍອີງຕາມສະພາບແລະຄວາມຕ້ອງການຕົວຈິງ. ການທີ່ເຮັດໃຫ້ເສັ້ນທາງຂອງປະເທດແມ່ນ້ຳລ້ານຊ້າງ-ແມ່ນ້ຳຂອງເຊື່ອມຕໍ່ກັນຫຼາຍກວ່າເກົ່າແລະໄວກວ່າເກົ່າ ເຮັດໃຫ້ການຄ້າພັດທະນາຫຼາຍກວ່າເກົ່າ, ເຮັດໃຫ້ນັກທ່ອງທ່ຽວໄປມາຫາສູ່ກັນຫຼາຍກວ່າເກົ່າ ແລະເຮັດໃຫ້ໝາກຜົນຂອງການຮ່ວມມືສ້າງຜົນປະໂຫຍດໃຫ້ປະຊາຊົນຫຼາຍກວ່າເກົ່ານັ້ນ ໄດ້ກາຍເປັນສິ່ງທີ່ 6 ປະເທດຄອງຄອຍຮ່ວມກັນ.