ເມື່ອເດືອນພະຈິກປີ 2014, ທ່ານ ຫຼີ້ເຄິ້ສຽງ ນາຍົກລັດຖະມົນຕີຈີນໄດ້ສະເໜີສ້າງຕັ້ງກົນໄກຮ່ວມມືນ້ຳລ້ານຊ້າງ-ແມ່ນ້ຳຂອງໃນກອງປະຊຸມຜູ້ນຳຈີນ-ອາຊຽນຄັ້ງທີ 17 ໂດຍໄດ້ຮັບການຕອບຮັບຢ່າງຕັ້ງໜ້າຂອງບັນດາປະເທດລຸ່ມແມ່ນ້ຳຂອງ. ຈາກນີ້ຈຶ່ງມາຮູ້ນຳກັນວ່າ: ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງແມ່ນຫຍັງ?
ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງແມ່ນຊື່ຫຍໍ້ມາຈາກ "ກົນໄກຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ" ເຊິ່ງກວມເອົາຈີນ, ລາວ, ມຽນນາ, ໄທ, ກຳປູເຈຍແລະຫວຽດນາມເປັນສະມາຊິກ.
ຈີນແລະ 5 ປະເທດດັ່ງກ່າວເປັນບ້ານໃກ້ເຮືອນຄຽງທີ່ດີແລະໝູ່ເພື່ອນທີ່ດີທີ່ເປັນມູນເຊື້ອ ແລະລ້ວນແຕ່ໄດ້ສ້າງສາຍພົວພັນຄູ່ຮ່ວມມືຍຸດທະສາດຮອບດ້ານຢ່າງມີຄວາມຮັບຜິດຊອບສູງດ້ານການເມືອງ. ພາຍໃຕ້ສະຖານະການໃໝ່ແຫ່ງການເຊື່ອມໂຍງເຂົ້າກັນຂອງພາກພື້ນ, ບັນດາປະເທດລຽບຕາມແມ່ນ້ຳລ້ານຊ້າງ-ແມ່ນ້ຳຂອງໄດ້ເນັ້ນການຮ່ວມມືນັ້ນ, ບໍ່ພຽງແຕ່ມີຄວາມຕ້ອງການອັນແຮງກ້າເທົ່ານັ້ນ, ຫາກຍັງມີເງື່ອນໄຂຕົວຈິງທີ່ພຽງພໍ ເຊິ່ງສາມາດເວົ້າໄດ້ວ່າການຮ່ວມມືດັ່ງກ່າວສອດຄ່ອງກັບກະແສນິຍົມ, ຄວາມປາຖະໜາຂອງປະຊາຊົນແລະສະຖານະການ.
 |
