ວັນທີ 17 ມີນານີ້, ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນປະກາດວ່າ, ກອງປະຊຸມຜູ້ນຳຄັ້ງທຳອິດຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ຈະໄຂຂຶ້ນຢູ່ເມືອງຊ່ານຢ້າແຂວງໄຫຫຼຳສປຈີນໃນວັນທີ 23 ມີນານີ້.
ໂດຍຕອບສະໜອງຕາມການເຊີນຂອງທ່ານ ຫຼີເຄີ້ສຽງ ນາຍົກລັດຖະມົນຕີຈີນ, ຜູ້ນຳກຳປູເຈຍ, ລາວ, ມຽນມາ, ໄທ ແລະຫວຽດນາມ ຈະເຂົ້າຮ່ວມກອງປະຊຸມດັ່ງກ່າວ ໂດຍທັງ 6 ປະເທດນີ້ຈະສຸມໃສ່ແລກປ່ຽນຄວາມຄິດເຫັນກ່ຽວກັບການຊຸກຍູ້ການສ້າງກົນໄກຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ເພີ່ມທະວີການຮ່ວມມືຮອບດ້ານລະຫວ່າງປະເທດໃນອະນຸພາກພື້ນນີ້ ຊຸກຍູ້ຂະບວນການເຊື່ອມໂຍງເຂົ້າກັນຂອງພາກພື້ນ ແລະອື່ນໆ.
 |
