ກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດຈະຈັດຂຶ້ນຢູ່ເມືອງຊານຢ້າ ແຂວງໄຫຫຼຳປະເທດຈີນໃນວັນທີ 23 ມີນານີ້ ໂດຍ ບັນດາທ່ານຜູ້ນຳຈະເລີ່ມຕົ້ນເປີດກົນໄກຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຢ່າງເປັນທາງການ, ວາງແຜນໃຫ້ແກ່ການຮ່ວມມືໃນອະນາຄົດ, ນຳສະເໜີຂໍ້ລິເລີ່ມຕ່າງໆທີ່ສຳຄັນສຳລັບການຮ່ວມມືດັ່ງກ່າວ ແລະ ໃຫ້ການຊີ້ນຳທາງການເມືອງທັງເປັນການຊຸກຍູ້ການຮ່ວມມືດັ່ງກ່າວຢ່າງແຂງແຮງ. ຈາກນີ້ຈຶ່ງເປັນກອງປະຊຸມສຳຄັນຄັ້ງໜຶ່ງທີ່ມີບົດບາດຢ່າງເລິກເຊິ່ງຍາວນານ ແລະ ມີຄວາມໝາຍຄັ້ງປະຫວັດສາດ.
ເປົ້າໝາຍຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງນັ້ນຈະປະຕິບັດງານຢ່າງຈິງຈັງເພື່ອການພັດທະນາແລະປັບປຸງຊີວິດການເປັນຢູ່ຂອງປະຊາຊົນບັນດາປະເທດ ຂໍພຽງແຕ່ວ່າປະເທດຕ່າງໆຈິງອົກຈິງໃຈຕໍ່ກັນ, ສາມັກຄີເປັນຈິດໜຶ່ງໃຈດຽວກັນແລະເຮັດແທ້ທຳຈິງ, ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຈຶ່ງຈະມີກຳລັງບົ່ມຊ້ອນຢ່າງມະຫາສານ ແລະ ມີອະນາຄົດທີ່ສົດໃສຢ່າງແນ່ນອນ.
