ການຮ່ວມມືລະຫວ່າງແມ່ນ້ຳລ້ານຊ້າງ-ແມ່ນ້ຳຂອງຄວນເຮັດຫຍັງແດ່

ຖ້າຢາກມີຄວາມຮັ່ງມີຂຶ້ນຄວນສ້າງຖະໜົນກ່ອນ, ການຮ່ວມມືລະຫວ່າງແມ່ນ້ຳລ້ານຊ້າງ-ແມ່ນ້ຳຂອງສຸມໃສ່ຊຸກຍູ້ການສ້າງພື້ນຖານໂຄງລ່າງແລະການເຊື່ອມຈອດກັນ, ເສັ້ນທາງການບິນຂອງປະເທດຢູ່ລຽບແມ່ນ້ຳລ້ານຊ້າງ-ແມ່ນ້ຳຂອງສາມາດໄປມາຫາສູ່ກັນໄດ້ຢ່າງສະດວກ ແລະຕ້ອງໄດ້ເປີດເສັ້ນທາງການບິນສາຍໃໝ່ຢ່າງບໍ່ຢຸດຢັ້ງ. ການຮ່ວມມືລະຫວ່າງແມ່ນ້ຳລ້ານຊ້າງ-ແມ່ນ້ຳຂອງຈະພັດທະນາເສດຖະກິດຂ້າມແດນ, ເພີ່ມທະວີການຮ່ວມມືດ້ານຄວາມສາມາດການຜະລິດ, ອີງໃສ່ທ່າແຮງທີ່ບົ່ມຊ້ອນຂອງກັນແລະກັນ ຜ່ານການສ້າງເຂດນິຄົມອຸດສາຫະກຳ, ສ້າງເປັນກຸ່ມຂະແໜງການແລະຕ່ອງໂສ້ການຜະລິດແບບຂ້າມແດນ. ເນື່ອງຈາກການຮ່ວມມືລະຫວ່າງແມ່ນ້ຳລ້ານຊ້າງ-ແມ່ນ້ຳຂອງມີຕົ້ນກຳເນີດມາຈາກນ້ຳ ຕ້ອງໄດ້ດຳເນີນການຮ່ວມມືດ້ານຊັບພະຍາກອນນ້ຳຢ່າງຕັ້ງໜ້າ, ສ້າງສູນຮ່ວມມືຊັບພະຍາກອນນ້ຳແມ່ນ້ຳລ້ານຊ້າງ-ແມ່ນ້ຳຂອງ, ພ້ອມກັນປົກປັກຮັກສາຊັບພະຍາກອນຊີວະນານາພັນຢູ່ຕາມແມ່ນ້ຳ ເຮັດໃຫ້ປະຊາຊົນທີ່ອາໄສຢູ່ລຽບແມ່ນ້ຳສາມາດດຳລົງຊີວິດໄດ້ດີກວ່າເກົ່າ. ບັນດາປະເທດຢູ່ລຽບແມ່ນ້ຳລ້ານຊ້າງ-ແມ່ນ້ຳຂອງຕົ້ນຕໍຈະພັດທະນາເວທີແຫ່ງການຮ່ວມມືດ້ານກະສິກຳ, ເພີ່ມຂີດຄວາມສາມາດດ້ານການຫຼຸດຜ່ອນຄວາມທຸກຍາກໃຫ້ສູງຂຶ້ນແລະສ້າງເຂດຕົວແບບຫຼຸດຜ່ອນຄວາມທຸກຍາກ ເພື່ອຊ່ວຍປະຊາຊົນຂອງບັນດາປະເທດຮ່ວມກັນບັນລຸສັງຄົມທີ່ສົມບູນພູນສຸກແລະມີຄວາມຮັ່ງມີ. ຂະນະດຽວກັນ, ການຮ່ວມມືດັ່ງກ່າວຍັງຄວນພັດທະນາຊີວິດການເປັນຢູ່ຂອງປະຊາຊົນໃຫ້ເຂົ້າສູ່ລວງເລິກ, ຊຸກຍູ້ການໄປມາຫາສູ່ກັນລະຫວ່າງປະຊາຊົນຂອງບັນດາປະເທດ.