ກອງປະຊຸມປະຈຳປີ 2016 ຂອງເວທີປຶກສາຫາລືອາຊີໂປອາວທີ່ຈະຈັດຂຶ້ນຢູ່ເມືອງໂປອາວແຂວງໄຫຫຼຳຈີນແຕ່ວັນທີ 22 ຫາ 25 ມີນານີ້,ໂດຍໃນວັນທີ 24 ເດືອນດຽວກັນ,ທ່ານຫຼີເຄີ້ສຽງ ນາຍົກລັດຖະມົນຕີຈີນຈະເຂົ້າຮ່ວມກອງປະຊຸມແລະກ່າວຄຳເຫັນຕາມການເຊື້ອເຊີນ.ຂະນະທີ່ຫົວຂໍ້ຫຼັກຂອງກອງປະຊຸມປະຈຳປີເທື່ອນີ້ແມ່ນ "ອະນາຄົດໃໝ່ຂອງອາຊີັ:ພະຊັງຊີວິດໃໝ່ແລະວິໄສທັດໃໝ່."
ປັດຈຸບັນ,ເສດຖະກິດໂລກຂາດກຳລັງແຮງໃນການຟື້ນຟູ,ການພັດທະນາເສດຖະກິດຂອງອາຊີກໍຜະເຊີນກັບຄວາມຫຍຸ້ງຍາກຈຳນວນໜຶ່ງ.ແລະຈາກສະພາບພິເສດດັ່ງກ່າວ,ຝ່າຍຕ່າງໆໄດ້ໃຫ້ຄວາມສຳຄັນຫຼາຍຕໍ່ກອງປະຊຸມປະຈຳປີຄັ້ງນີ້.ໂດຍກອງປະຊຸມປະຈຳປີຄັ້ງນີ້ຈະຍຶດຖືປະເພນີ,ຕື່ມພະລັງແຮງອັນໃໝ່ແລະສ້າງພະລັງຍູ້ໜູນອັນໃໝ່ໃຫ້ແກ່ສະຖຽນລະພາບແລະການພັດທະນາຂອງອາຊີກໍຄືຂອງໂລກ.
ໃນໄລຍະກອງປະຊຸມປະຈຳປີຄັ້ງນີ້,ແຜນພັດທະນາເສດຖະກິດສັງຄົມ 5 ປີຄັ້ງທີ 13 ຂອງຈີນ,ກອງປະຊຸມສຸດຍອດກຸ່ມ 20 ປະເທດທີ່ຈັດຂຶ້ນຢູ່ເມືອງຮາງໂຈ່ວ, "ໜຶ່ງແລວທາງໜຶ່ງເສັ້ນທາງ"ພ້ອມດ້ວຍເສັ້ນທາງແລະອະນາຄົດແຫ່ງການພັດທະນາຂອງຈີນແລະອື່ນໆລ້ວນແຕ່ຈະເປັນຫົວຂໍ້ສຳຄັນໂດຍຜູ້ແທນຝ່າຍຕ່າງໆຈະໄດ້ຮັບຟັງການອະທິບາຍທີ່ຊົງອິດທິພົນຂອງຜູ້ນຳຈີນແລະເຈົ້າໜ້າທີ່ຮັບຜິດຊອບຂອງພາກສ່ວນທີ່ກ່ຽວຂ້ອງແລະຂອງທ້ອງຖິ່ນຈີນ.
 |
