ກອງປະຊຸມປະຈຳປີ 2016 ຂອງເວທີປຶກສາຫາລືອາຊີໂປອາວຈະຈັດຂຶ້ນຢູ່ໂປອາວ ແຂວງໄຫຫຼຳປະເທດຈີນ ລະຫວ່າງວັນທີ 22-25 ມີນານີ້ ໂດຍບຸກຄົນໃນວົງການການເມືອງແລະຜູ້ຊ່ຽວຊານ, ນັກວິຊາການຕ່າງປະເທດເຫັນວ່າ, ເວທີປຶກສາຫາລືອາຊີໂປອາວໄດ້ກາຍເປັນຊ່ອງທາງທີ່ສຳຄັນແຫ່ງການຮ່ວມມືດ້ານເສດຖະກິດໃນພາກພື້ນອາຊີ ເຊິ່ງຈະເສີມຂະຫຍາຍບົດບາດຢ່າງໃຫຍ່ຫຼວງຕໍ່ການເຊື່ອມໂຍງເສດຖະກິດອາຊີ.
ທ່ານຣີຊາດ ໂຄນເບັກ ລັດຖະມົນຕີວ່າການກະຊວງທ່ອງທ່ຽວແລະສຶກສາທິການສາກົນອົສຕຣາລີ ຊີ້ວ່າ, ເວທີປຶກສາຫາລືອາຊີໂປອາວ ແມ່ນເວທີປຶກສາຫາລືທີ່ມີເອກະລັກສະເພາະແລະດີເດັ່ນ ໃນການປຶກສາຫາລືກິດຈະການອາຊີ. ຂະນະທີ່ທ່ານຄັດກາ ປຣາຊັດ ຊາມາ ໂອລີ ນາຍົກລັດຖະມົນຕີເນປານ ກ່າວໂດຍເຊື່ອວ່າ: ເວທີປຶກສາຫາລືອາຊີໂປອາວຈະສາມາດວາງແຜນເພື່ອຮັບມືກັບສິ່ງທ້າທາຍຕ່າງໆ, ສ່ວນເນປານກໍຫວັງຈະສາມາດປະກອບສ່ວນອັນສຳຄັນເພື່ອກອງປະຊຸມປະຈຳປີນີ້. ສ່ວນທ່ານລີເຄ ສາສະດາຈານສະຖາບັນການຄ້າ ມະຫາວິທະຍາໄລຍີ່ປຸ່ນ ເຫັນວ່າ, ກອງປະຊຸມປະຈຳປີຂອງເວທີປຶກສາຫາລືອາຊີໂປອາວ ຈະສຸມໃສ່ຈຸດຮ້ອນແລະບັນຫາທີ່ຫຍຸ້ງຍາກໃນພາກພື້ນ ໂດຍໄດ້ເຕົ້າໂຮມເອົາບຸກຄົນໃນວົງການຕ່າງໆ, ບັນດາປະເທດ ແລະ ເຂດແຄວ້ນ ເພື່ອປຶກສາຫາລືບັນຫາຕ່າງໆ ເຊິ່ງເປັນຮູບແບບແລະແນວຄິດທີ່ດີ.
