ເຖິງວ່າລັດຖະບານຈີນປະສົບຄວາມຫຍຸ້ງຍາກຫຼາຍດ້ານກໍດີ, ແຕ່ກໍໄດ້ຕັດສິນໃຈເພື່ອຜົນປະໂຫຍດລວມຂອງພາກພື້ນ ດັ່ງວັນທີ 15 ມີນານີ້ ກໍໄດ້ປ່ອຍນ້ຳຈາກເຂື່ອນໄຟຟ້ານ້ຳຕົກຊຽງຮຸ່ງແຂວງຢຸນນານລົງຍ່ານໃຕ້ແມ່ນ້ຳຂອງ ໂດຍສາມາດຊ່ວຍປະເທດລຸ່ມແມ່ນ້ຳຂອງ ເຊັ່ນ ລາວ, ມຽນມາ, ໄທ ແລະ ກຳປູເຈຍຕ້ານໄພແລ້ງ ລວມທັງຄວາມຂັດແຍ່ງກັນລະຫວ່າງຫວຽດນາມ-ຈີນຢູ່ທະເລຈີນໃຕ້ ເຊິ່ງການກະທຳດັ່ງກ່າວສະແດງໃຫ້ເຫັນເຖິງທັດສະນະຂອງລັດຖະບານຈີນທີ່ຖືຄວາມເປັນທຳຄືຜົນປະໂຫຍດ".
ຈິດໃຈຂອງປະຊາຊົນຈີນແລະປະເທດອາຊຽນນັ້ນຕ່າງກໍເຫັນວ່າ: ທະເລຈີນໃຕ້ແມ່ນທະເລແຫ່ງສັນຕິພາບ, ທະເລແຫ່ງມິດຕະພາບ ແລະ ເປັນທະເລແຫ່ງການຮ່ວມມື; ແມ່ນ້ຳລ້ານຊ້າງ-ແມ່ນ້ຳຂອງແມ່ນແມ່ນ້ຳແຫ່ງມິດຕະພາບ, ແມ່ນ້ຳແຫ່ງການຮ່ວມມື ແລະ ແມ່ນ້ຳແຫ່ງການພັດທະນາແບບຍືນຍົງ. ຂະນະທີ່ກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດຈະຈັດຂຶ້ນຢູ່ແຂວງໄຫຫຼຳປະເທດຈີນໃນວັນທີ 23 ມີນານີ້, ບັນດາປະເທດລຸ່ມແມ່ນ້ຳ ລວມທັງຫວຽດນາມ ຕ່າງກໍກ່າວວ່າ: ຈະຕັ້ງໜ້າຮ່ວມກັບຈີນເພື່ອຊຸກຍູ້ການພັດທະນາແລະນຳໃຊ້ຊັບພະຍາກອນນ້ຳ ໂດຍບັນດາປະເທດຈະຮ່ວມຊົມໃຊ້ຜົນການພັດທະນາ, ສ່ຽງໄພຮ່ວມກັນ ແລະ ຮ່ວມທຸກຮ່ວມສຸກ ແລະຈະຂຽນບົດຄວາມໃໝ່ແຫ່ງການເລີ່ມຕົ້ນການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ.
ສາຍນ້ຳໄຫຼລົງທະເລໂດຍເຕັມໄປດ້ວຍຄວາມຮັກແພງທີ່ບໍ່ມີວັນສິ້ນສຸດລົງ. ບໍ່ວ່າຈະເປັນແມ່ນ້ຳລ້ານຊ້າງ-ແມ່ນ້ຳຂອງ, ທະເລຈີນໃຕ້ ຫຼືວ່າ ປາຊີຟິກຕາເວັນຕົກ, ຕ້ອງໄດ້ຕື່ມແມ່ນ້ຳແຫ່ງການຮ່ວມມືແລະເຕັມໄປດ້ວຍເຈດຕະນາທີ່ດີໄຫຼລົງເທົ່ານັ້ນ ຈຶ່ງຈະສາມາດກາຍເປັນສາຍນ້ຳແລະທະເລແຫ່ງສັນຕິພາບແລະມິດຕະພາບ ນີ້ແມ່ນທັດສະນະຮ່ວມຂອງປະເທດໃນພາກພື້ນນີ້ ແລະກໍແມ່ນພື້ນຖານຄວາມຮັບຮູ້ທີ່ປະເທດນອກພາກພື້ນຕ້ອງເຂົ້າໃຈ.
