ວັນທີ 23 ມີນານີ້, ກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດໄດ້ຈັດຂຶ້ນຢູ່ຊ່ານຢ້າ ແຂວງໄຫຫຼຳຈີນໂດຍທ່ານຫຼີເຄີ້ສຽງ ນາຍົກລັດຖະມົນຕີຈີນ, ທ່ານປຣະຍຸດ ຈັນໂອຊາ ນາຍົກລັດຖະມົນຕີໄທ, ທ່ານຮຸນແຊນ ນາຍົກລັດຖະມົນຕີກຳປູເຈຍ, ທ່ານທອງສິງ ທຳມະວົງ ນາຍົກລັດຖະມົນຕີລາວ, ທ່ານໄຊມົງຄຳ ຮອງປະທານາທິບໍດີມຽນມາແລະທ່ານປາມບິງມິງ ຮອງນາຍົກລັດຖະມົນຕີຫວຽດນາມເຂົ້າຮ່ວມກອງປະຊຸມທີ່ມີທ່ານຫຼີເຄີ້ສຽງກັບທ່ານປຣະຍຸດເປັນປະທານນັ້ນໄດ້ເນັ້ນຫົວຂໍ້ຫຼັກຄື: ດື່ມນ້ຳຂອງແມ່ນ້ຳດຽວກັນ, ຮ່ວມໂຊກຊາຕາດຽວກັນຢ່າງສະໜິດແໜ້ນ.
ໃນໂອກາດດຳເນີນກອງປະຊຸມດັ່ງກ່າວ, ຜູ້ນຳບັນດາປະເທດຍັງຈະໄດ້ທ່ຽວຊົມງານວາງສະແດງການຮ່ວມມືລະຫວ່າງປະເທດແມ່ນ້ຳລ້ານຊ້າງ- ແມ່ນ້ຳຂອງແລະເຂົ້າຮ່ວມພິທີເລີ່ມດຳເນີນການຮ່ວມມືແມ່ນ້ຳລ້ານຊ້າງ- ແມ່ນ້ຳຂອງ. ທ່ານຫຼີເຄີ້ສຽງແລະທ່ານປຣະຍຸດຈະຮ່ວມພົບປະນັກຂ່າວໃນຖານະເປັນປະທານຮ່ວມເພື່ອແຈ້ງຜົນສຳເລັດຂອງກອງປະຊຸມ. ນອກນີ້, ນາຍົກລັດຖະມົນຕີຈີນຍັງຈະພົບປະກັບຜູ້ນຳບັນດາປະເທດແມ່ນ້ຳຂອງທີ່ເຂົ້າຮ່ວມກອງປະຊຸມຕື່ມອີກ.
