ຕາມຂ່າວສານຊິນຮວາ: ຕອນຄ່ຳວັນທີ 22 ມີນານີ້, ຢູ່ຊ່ານຢ້າແຂວງໄຫຫຼຳຈີນ, ທ່ານວາງອີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະກັບທ່ານດອນ ປຣະມຸດວິໄນ ລັດຖະມົນຕີວ່າການກະຊວງການຕ່າງປະເທດໄທ. ໂດຍສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດ.
ທ່ານວາງອີ້ກ່າວວ່າ, ຈີນຍິນດີຮ່ວມກັບຝ່າຍໄທແລະປະເທດລຸ່ມແມ່ນ້ຳຂອງອື່ນໆຊຸກຍູ້ກອງປະຊຸມຄັ້ງນີ້ໃຫ້ສຳເລັດຜົນຢ່າງສົມບູນ, ສ້າງກົນໄກຮ່ວມມືແມ່ນ້ຳລ້ານຊ້າງແມ່ນ້ຳຂອງກາຍເປັນແບບຢ່າງຂອງການຮ່ວມມືໃຕ້ໆໃນໄລຍະໃໝ່ແລະເປັນເວທີແຫ່ງການເພີ່ມທະວີຄວາມສາມັກຄີແລະຮ່ວມມືກັນຂອງປະເທດຍ່ານເໜືອກັບຍ່ານໃຕ້ຂອງແມ່ນ້ຳຂອງ, ແບບຢ່າງທີ່ປະເທດບ້ານໃກ້ເຮືອນຄຽງສະໜັບສະໜູນກັນ.
ທ່ານດອນ ປຣະມຸດວິໄນໄດ້ກ່າວຂອບໃຈຕໍ່ຄວາມພະຍາຍາມຢ່າງໃຫຍ່ຫຼວງແລະຕັ້ງໜ້າຂອງ ຈີນເພື່ອລິເລີ່ມການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ຂະນະນີ້ປະເທດໄທກໍຍິນດີຮ່ວມກັບຈີນແລະປະເທດອື່ນໆ, ຊຸກຍູ້ກອງປະຊຸມຄັ້ງທຳອິດໃຫ້ປະສົບຜົນສຳເລັດ.
