ນາຍົກຈີນຕ້ອນຮັບຜູ້ນຳ 5 ປະເທດລຸ່ມແມ່ນ້ຳຂອງທີ່ເຂົ້າຮ່ວມກອງປະຊຸມຜູ້ນຳ ແມ່ນ້ຳລ້ານຊ້າງ-ແມ່ນ້ຳຂອງຄັ້ງປະຖົມມະເລີກ

ຂ່າວສານຊິນຮວາລາຍງານວ່າ: ຕອນບ່າຍວັນທີ 22 ມີນານີ້ຢູ່ເມືອງຊານຢ້າແຂວງໄຫຫຼຳ, ທ່ານ ຫຼີເຄິ້ສຽງ ນາຍົກລັດຖະມົນຕີຈີນໄດ້ຕ້ອນຮັບການເຂົ້າຢ້ຽມຄຳ ນັບຂອງທ່ານ ທອງສິງ ທຳມະວົງ ນາຍົກລັດຖະມົນຕີລາວ, ທ່ານ ປຣະຍຸດ ຈັນໂອຊາ ນາຍົກລັດຖະມົນຕີໄທ, ທ່ານ ຮຸນແຊນ ນາຍົກລັດຖະມົນຕີກຳປູເຈຍ, ທ່ານ ໄຊມົກຄຳ ຮອງປະທານາທິບໍດີມຽນມາແລະທ່ານ ຟາມບິງມິງ ຮອງນາຍົກລັດຖະມົນຕີຫວຽດນາມ ໃນໂອກາດເຂົ້າຮ່ວມກອງປະຊຸມຜູ້ນຳແມ່ນ້ຳລ້ານຊ້າງ-ແມ່ນ້ຳຂອງຄັ້ງປະຖົມມະເລີກ. ໂອກາດດັ່ງກ່າວ, ທ່ານ ຫຼີເຄິ້ສຽງ ກ່າວວ່າ, ກວ່າໜຶ່ງປີຜ່ານມາ, ກົນໄກຮ່ວມມືແມ່ນ້ຳລ້ານຊ້າງ-ແມ່ນ້ຳຂອງໄດ້ປດກົດຜົນເປັນຈິງຈາກຂໍ້ລິເລີ່ມເທື່ອກ້າວໆ ໂດຍສະແດງໃຫ້ເຫັນວ່າ, 6 ປະເທດແມ່ນ້ຳລ້ານຊ້າງ-ແມ່ນ້ຳຂອງໄດ້ເພີ່ມທະວີຄວາມໄວ້ເນື້ອເຊື່ອໃຈແລະການຮ່ວມມື, ຮັດແໜ້ນການພົວພັນແລະຊຸກຍູ້ການພັດທະນາ ເຊິ່ງສອດຄ່ອງກັບກະແສຂອງຍຸກສະໄໝກໍຄືຄວາມປາຖະໜາຂອງປະຊາຊົນ ທັງມີຄວາມສາມາດບົ່ມຊ້ອນດ້ານການຮ່ວມມືຢ່າງມະຫາສານ. ແນວໃດກໍດີຈີນກໍພ້ອມຮ່ວມກັບຜູ້ນຳປະເທດແມ່ນ້ຳລ້ານຊ້າງ-ແມ່ນ້ຳຂອງຕ່າງໆເພື່ອຫາລືການຮ່ວມມືຮ່ວມກັນ, ກຳນົດແຜນແມ່ບົດການພັດທະນາຮ່ວມກັນແລະສ້າງບາດກ້າວທຳອິດຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຮ່ວມກັນພາຍໃຕ້ຫົວຂໍ້ "ກິນນ້ຳຈາກແມ່ນ້ຳສາຍດຽວກັນ, ຮ່ວມຊາຕາກຳດຽວກັນຢ່າງແໜ້ນແຟ້ນ".