ວັນທີ 23 ມີນານີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ພົບປະກັບທ່ານທອງສິງ ທຳມະວົງ, ນາຍົກລັດຖະມົນຕີລາວໃນໂອກາດເຂົ້າຮ່ວມກອງປະຊຸມຜູ້ນຳຄັ້ງທຳອິດຂອງການຮ່ວມມືແມ່ນ້ຳລ້າງຊ້າງ-ແມ່ນ້ຳຂອງແລະກອງປະຊຸມປະຈຳປີ 2016 ຂອງເວທີປຶກສາຫາລືອາຊີ-ໂປອາວ.
ທ່ານຫຼີເຄີ້ສຽງກ່າວວ່າ: ຈີນຍິນດີຮ່ວມກັບລາວເປີດກວ້າງການຮ່ວມມືໃນທຸກຂົງເຂດ, ຊຸກຍູ້ ໂຄງການສຳຄັນຕ່າງໆເຊັ່ນ: ທາງລົດໄຟລາວຈີນແລະໂຄງການໄຟຟ້ານ້ຳຕົກໃຫ້ມີຄວາມຄືບໜ້າໃໝ່. ທັງຫວັງວ່າລາວຈະຕັ້ງໜ້າເຂົ້າຮ່ວມສ້າງສາກົນໄກຮ່ວມມືແມ່ນ້ຳລ້ານຊ້າງ-ແມ່ນ້ຳຂອງເພື່ອຮ່ວມກັບຈີນຊຸກຍູ້ໃຫ້ການຮ່ວມມືໃຫ້ກັນໃຫ້ໄດ້ຮັບໝາກຜົນຕາມເປົ້າໝາຍ.
ທ່ານທອງສິງກ່າວວ່າ, ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງເປັນຂີດໝາຍວ່າແມ່ນ້ຳລ້າງຊ້າງ-ແມ່ນ້ຳຂອງແມ່ນແມ່ນ້ຳສາຍໜຶ່ງທີ່ສ້າງຄວາມສຸກແລະການຮ່ວມມືໃຫ້ແກ່ 6 ປະເທດ. ລາວຍິນດີຮ່ວມກັບຈີນປະຕິບັດຂໍ້ຕົກລົງຂອງກອງປະຊຸມຜູ້ນຳຄັ້ງທຳອິດໃຫ້ດີ. ການຮ່ວມມືໄມຕີຈິດລະຫວ່າງລາວກັບຈີນດຳເນີນເປັນຢ່າງດີ, ການໄປມາຫາສູ່ກັນນັບມື້ນັບຫຼາຍຂຶ້ນ, ລາວຍິນດີສືບຕໍ່ລົງເລິກການຮ່ວມມືລະຫວ່າງສອງປະເທດ, ຮ່ວມກັນຈັດກິດຈະກຳລະນຶກການສ້າງຕັ້ງສາຍພົວພັນການທູດຄົບຮອບ 55 ປີລະຫວ່າງລາວ-ຈີນໃຫ້ສຳເລັດໂດຍດີ.
