ໜັງສືພິມປະຊາຊົນລາຍວັນຂອງຈີນລາຍງານວ່າ: ວັນທີ 24 ມີນານີ້, ທ່ານ ອັບດຸລາ ອາມາດ ບາດາວີ ອະດີດນາຍົກລັດຖະມົນຕີມາເລເຊຍທີ່ເຂົ້າຮ່ວມກອງປະຊຸມປີ 2016 ຂອງເວທີປຶກສາຫາລືອາຊີໂປອາວຢູ່ຈີນໄດ້ຂຽນບົດຄວາມລົງໜັງສືພິມປະ ຊາຊົນລາຍວັນວ່າ, ຕ້ອງເບິ່ງພະລັງຊີວິດແລະພະລັງແຮງຂອງເສດຖະກີດອາຊີຢ່າງຮອບດ້ານ.
ບົດຄວາມມີບາງຕອນລະບຸວ່າ, ປະຊາຊົນທົ່ວໂລກຄອງຄອຍອາຊີທີ່ເປີດກວ້າງແລະກວມລວມ ເຊິ່ງເປົ້າໝາຍຂອງການຮ່ວມມືໃນພາກພື້ນອາຊີຄືຕ້ອງສ້າງຕັ້ງສາຍພົວພັນຄູ່ຮ່ວມເສດຖະກິດທີ່ແທ້ຈິງທີ່ກວມເອົາອາຊີກໍຄືພາກພື້ນຕ່າງໆໃນໂລກ. ບັນຫາພື້ນຖານໂຄງລ່າງຖືວ່າເປັນອຸປະສັກໃນການພັດທະນາການເຊື່ອມຈອດກັນດ້ານເສດຖະກິດ-ການຄ້າພາກພື້ນໃນໄລຍະຍາວນານ. ຂະນະທີ່ຈີນໄດ້ສະເໜີສ້າງທະນາຄານລົງທຶນພື້ນຖານໂຄງລ່າງອາຊີແລະຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເຊິ່ງລ້ວນແຕ່ໄດ້ຮັບຄວາມຊົມເຊີຍຢ່າງກວ້າງຂວາງໃນພາກພື້ນອາຊີ.
ບົດຄວາມຂຽນໃນບັ້ນສຸດທ້າຍວ່າ, ຈີນແລະມາເລເຊຍມີທັດສະນະເປັນເອກະພາບກັນກ່ຽວກັບວຽກງານຕ່າງໆ ເຊິ່ງເຫັນດີທີ່ອາຊຽນໄດ້ເສີມຂະຫຍາຍບົດບາດໃນການພັດທະນາເສດຖະກິດກໍຄືຄວາມໝົ້ນຄົງຂອງພາກພື້ນແລະສອງປະເທດລ້ວນແຕ່ຈະໄດ້ຮັບຜົນປະໂຫຍດຈາກ "ສັນຍາການພົວພັນຄູ່ຮ່ວມເສດຖະກິດຮອບດ້ານຂອງພາກພື້ນ" ຫຼື RCEP.