ປິດກອງປະຊຸມປະຈຳປີ 2016 ຂອງເວທີປຶກສາຫາລືອາຊີໂອອາວ
2016-03-26 12:52:52 cri
ຕອນບ່າຍວັນທີ 25 ມີນານີ້ ກອງປະຊຸມປະຈຳປີ 2016 ຂອງເວທີປຶກສາຫາລືອາຊີໂປອາວທີ່ໄຂຂຶ້ນຢູ່ເມືອງໂປອາວແຂວງໄຫຫຼຳຂອງຈີນໄດ້ປິດລົງ. ໃນກອງປະຊຸມຄັ້ງນີ້ ຜູ້ແທນວົງການການເມືອງ ວົງການອຸດສາຫະກຳແລະນັກວິຊາການຄາງປັນຍາ 2100 ກວ່າທ່ານມາຈາກ 62 ປະເທດແລະເຂດແຄວ້ນໃນທົ່ວໂລກໄດ້ເຕົ້າໂຮມກັນຢູ່ເມືອງໂປອາວ ເພື່ອປະກອບຄຳຄິດຄຳເຫັນແລະສະຕິປັນຍາໃຫ້ແກ່ການພັດທະນາຂອງອາຊີ ກໍ່ຄືຂອງໂລກ.
ທ່ານໂຈ່ວເວີນຈົ້ງ ເລຂາທິການໃຫຍຂອງເວທີປຶກສາຫາລືອາຊີໂປອາວກ່າວວ່າ, ໃນໄລຍະໄຂກອງປະຊຸມປະຈຳປີນີ້ ນັກເສດຖະສາດແລະນັກວິສາຫະກິດຈຳນວນຫຼວງຫຼາຍໄດ້ກ້າວເຖິງຂັ້ນມຄວາມຮັບຮູ້ຄືກັນອັນໜຶ່ງ ນັ້ນກໍ່ຄື: ພະລັງແຮງອັນໃໝ່ໃນການຊຸກຍູ້ເສດຖະກິອາຊີນັ້ນຈະມາຈາກການປະຕິຮູບໂຄງປະກອບ.
ຂ່າວແຈ້ງອີກວ່າ, ໃນວັນທີ 24-26 ພຶດສະພາປີນີ້ ເວທີປຶກສາຫາລືອາຊີໂປອາວຈະຮ່ວມກັບເວທີປຶກສາຫາລືເສດຖະກິດອັສຕານາຂອງກາຊັກສະຖານເປັນເຈົ້າພາບຈັດ "ກອງປະຊຸມກ່ຽວກັບພະລັງງານ ຊັບພະຍາກອນແລະການພັດທະນາແບບຍືນຍົງຂອງຂອງເວທີປຶກສາຫາລືບັນດາປະເທດຢູ່ລຽບຕາມເສັ້ນທາງສາຍໄໝ ແລະເວທີປຶກສາຫາລືອາຊີໂປອາວ" , ເຊິ່ງກອງປະຊຸມນີ້ຈະສຸມໃສ່ຍການຫາລືກ່ຽວກັບການເຮັດໃຫ້ "ໜຶ່ງແລວທາງໜຶ່ງເສັ້ນທາງ" ເຊື່ອມຈອດກັບສະຫະພັນເສດຖະກິດເອີລົບອາຊີ. ຮອດເວລານັ້ນ ເຈົ້າໜ້າທີ່ລັດຖະບານ ນັກວິສາຫະກິດ ແລະວິຊາການຕ່າງໆຂອງບັນດາປະເທດທີ່ຢູ່ລຽງຕາມ "ໜຶ່ງແລວທາງ ໜຶ່ງເສັ້ນທາງ" ແລະ ບັນດາປະເທດສະມາຊິກສະຫະພັນເສດຖະກິດເອີລົບອາຊີຈະເຂົ້າຮ່ວມການຫາລືໃນກອງປະຊຸມດ່ັງກ່າວ.
