ຂ່າວສານຊິນຮວາລາຍງານໂດຍອ້າງຕາມທ່ານ ເສີນຕ່ານຢາງ ໂຄສົກກະຊວງການຄ້າຈີນທີ່ຖະແຫຼງຂ່າວໃນວັນທີ 7 ເມສານີ້ວ່າ, ປີຜ່ານມາ, ລວມຍອດມູນຄ່າການຄ້າລະຫວ່າງຈີນແລະປະເທດຕ່າງໆໃນ "ໜຶ່ງແລວທາງໜຶ່ງເສັ້ນທາງ" ບັນລຸເຖິງ 995 ຕື້ 500 ລ້ານໂດລາສະຫະລັດ ກວມເອົາ 25,1% ຂອງລວມຍອດມູນຄ່າການຄ້າຂອງປະເທດ.
ກະຊວງການຄ້າຈີນຊີ້ໃຫ້ເຫັນວ່າ, ແຕ່ເດືອນມັງກອນຫາເດືອນກຸມພາປີນີ້, ລວມຍອດມູນຄ່າການຄ້າສອງຝ່າຍລະຫວ່າງຈີນແລະປະເທດຕ່າງໆໃນ "ໜຶ່ງແລວທາງໜຶ່ງເສັ້ນທາງ" ບັນລຸເຖິງ 134 ຕື້ 100 ລ້ານໂດລລາສະຫະລັດ ກວມເອົາ 26,26% ຂອງລວມຍອດມູນຄ່າການຄ້າຂອງປະເທດ; ຂະນະທີ່ວິສາຫະກິດຈີນໄດ້ລົງທຶນໂດຍກົງຢູ່ປະເທດຕ່າງໆເຖິງ 2 ຕື້ 230 ລ້ານໂດລາສະຫະລັດ ເພີ່ມຂຶ້ນ 41,1% ທຽບໃສ່ໄລຍະດຽວກັນປີຜ່ານມາ, ສ່ວນປະເທດເຫຼົ່ານີ້ກໍໄດ້ລົງທຶນຢູ່ຈີນເຖິງ 1 ຕື້ 70 ລ້ານ ໂດລາສະຫະລັດ ເພີ່ມຂຶ້ນ 5,2% ທຽບໃສ່ໄລຍະດຽວກັນປີຜ່ານມາ.