ຕາມຂ່າວສານຈີນ: ວັນທ 17 ພຶດສະພານີ້, ສຳນັງງານທະນາຍຄວາມ Baker & Mckenzie ສາກົນໄດ້ເຜີຍແຜ່ບົດລາຍງານທີ່ພາດຫົວວ່າ "ການຮ່ວມມືໃນອາຊຽນ: ສັນຍາການຄ້າແລະການລົງທຶນພາກພື້ນຂະໜາດໃຫຍ່ອາຊີຈະສ້າງຍຸດທະສາດການຄ້າຂອງອາຊຽນແລະພາກພື້ນອື່ນໆແນວໃດ" ໂດຍຊີ້ໃຫ້ເຫັນວ່າ: ວິສາຫະກິດໃນອາຊຽນແລະພາກພື້ນອື່ນໆເກືອບ 70% ໄດ້ສະສົມຊັບພະຍາກອນມະນຸດແລ້ວ ທັງຊອກຫາໂອກາດເພື່ອພັດທະນາໂຄງການແລະຄູ່ຮ່ວມທຶນກໍຄືໂອກາດຊື້ກິດຈະການ-ການລົງທຶນ; ນອກນີ້ຍັງໄດ້ຍົກສູງຄວາມສາມາດໃນການແຂ່ງຂັນໂດຍຜ່ານພຶດຕິກຳຕົວຈິງເປັນຕົ້ນຕັ້ງສຳນັກງານຕົວແທນໃໝ່ແລະອື່ນໆ ເພື່ອກຽມຄວາມພ້ອມກໍ່ສ້າງ "ໜຶ່ງແລວທາງໜຶ່ງເສັ້ນທາງ".
ບົດລາຍງານດັ່ງກ່າວເປັນຜົນມາຈາກການສຳຫຼວດແລະຄົ້ນຄວ້າຂອງ 144 ບໍລິສັດໃນຂົງເຂດຕ່າງໆເຊິ່ງວິສາຫະກິດເຫຼົ່ານີ້ 59% ຄາດວ່າການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ຈະຊຸກຍູ້ການພົວພັນຮ່ວມມືລະຫວ່າງວິສາຫະກິດປະເທດຕ່າງໆໆແລະວິສາຫະກິດຂອງຈີນ, ຂະນະທີ່ 50% ເຫັນວ່າການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ຈະສົ່ງຜົນຊຸກຍູ້ການເຄື່ອນໄຫວຊື້ກິດຈະການ-ການລົງທຶນຢູ່ພາກພື້ນອາຊຽນ.