ຕອນເຊົ້າວັນທີ 18 ພຶດສະພານີ້ ຢູ່ສູນປະຊຸມແລະວາງສະແດງຮົງກົງ, ທ່ານ ຈ່າງເຕີຈຽງ ປະທານສະພາປະຊາຊົນແຫ່ງຊາດຈີນ ໄດ້ເຂົ້າຮ່ວມເວທີປຶກສາຫາລືສຸດຍອດ "ໜຶ່ງແລວທາງໜຶ່ງເສັ້ນທາງ" ທີ່ຈັດໂດຍອົງການປົກຄອງເຂດບໍລິຫານພິເສດຮົງກົງ ແລະກ່າວປາໄສ ໂດຍໄດ້ຍົກໃຫ້ເຫັນໂອກາດທີ່ມາຈາກ "ໜຶ່ງແລວທາງໜຶ່ງເສັ້ນທາງ" ຢ່າງພາວະວິໄສ.
ທ່ານ ຈ່າງເຕີຈ່ຽງ ຊີ້ໃຫ້ເຫັນວ່າ, ການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ແມ່ນມາດຕະການທີ່ຍິ່ງໃຫຍ່ຂອງຈີນໃນການໄຂປະຕູສູ່ໂລກພາຍນອກຢ່າງຮອບດ້ານພາຍໃຕ້ເງື່ອນໄຂປະຫວັດສາດອັນໃໝ່ອ່ຽມ, ຈີນແມ່ນຜູ້ລິເລີ່ມແລະຜູ້ຊຸກຍູ້ "ໜຶ່ງແລວທາງໜຶ່ງເສັ້ນທາງ", ແຕ່ການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ນັ້ນ ບໍ່ແມ່ນວຽກງານຂອງຈີນປະເທດດຽວ. ແນວໃດກໍດີ, "ໜຶ່ງແລວທາງໜຶ່ງເສັ້ນທາງ" ສົ່ງເສີມໃຫ້ປະເທດຕ່າງໆລ້ວນແຕ່ເຂົ້າຮ່ວມແລະໄດ້ຮັບຜົນປະໂຫຍດຫາກບໍ່ແມ່ນປະເທດດຽວ, ສົ່ງເສີມໃຫ້ພັດທະນາຮ່ວມກັນ ຫາກບໍ່ແມ່ນຝ່າຍໃດຊະນະຕ້ອງມີຝ່າຍອື່ນເສຍ, "ໜຶ່ງແລວທາງໜຶ່ງເສັ້ນທາງ" ບໍ່ແມ່ນແລວທາງນ້ອຍສ່ວນຕົວ, ຫາກແມ່ນເສັ້ນທາງໃຫຍ່ຂອງຝ່າຍຕ່າງໆເພື່ອຄວາມກ້າວໜ້າ.
 |
