ກ່ອນຈະຈັດກອງປະຊຸມສິ່ງແວດລ້ອມໃຫຍ່ຄັ້ງທີສອງຂອງອົງການສະຫະປະຊາຊາດ, ອົງການສະຫະປະຊາຊາດເພື່ອວາງແຜນສິ່ງແວດລ້ອມຫຼື UNEP ໄດ້ເຜີຍແຜ່ບົດລາຍງານຢູ່ນະຄອນຫຼວງໄນໂຣບີຂອງເຄັນຢາໂດຍລະບຸວ່າ, ສິ່ງແວດລ້ອມຂອງເຂດອາຊີປາຊີຟິກພວມປະເຊີນກັບສິ່ງທ້າທາຍອັນມະຫາສານ.
ບົດລາຍງານສະບັບນີ້ມີຫົວເລື່ອງວ່າ: "ການແລມອງສິ່ງແວດລ້ອມທົ່ວໂລກ: ການປະເມີນພາກພື້ນ" ໄດ້ລະບຸວ່າ, ຢູ່ອາຊີຕາເວັນອອກສຽງໃຕ້, ຂະບວນການຫັນເປັນຕົວເມືອງແລະ ຊັບພະຍາກອນທຳມະຊາດຖືກທຳລາຍໃນການພັດທະນາກະສິກຳແລະເຮັດໃຫ້ການຫັນເປັນທະເລຊາຍຂຫຍາຍຕົວໄວຂຶ້ນເຊິ່ງສະເລ່ຍຕໍ່ປີແລ້ວ, ມີເນື້ອທີ່ທີ່ດິນຫຼາຍກວ່າ 1 ລ້ານເຮັດຕາໄດ້ຫັນເປັນທະເລຊາຍ.
ໃນງານຖະແຫຼງຂ່າວທີ່ປະກາດບົດລາຍງານດັ່ງກ່າວ, ທ່ານເປເຕີ ຄິງ, ທີ່ປຶກສານະໂຍບາຍອາວຸໂສຂອງສະຖາບັນຄົ້ນຄວ້າຍຸດທະສາດສິ່ງແວດລ້ອມໂລກກ່າວວ່າ, ປະເທດອາຊີຕາເວັນອອກສຽງໃຕ້ຄວນເລັ່ງລັດປ່ຽນແປງສະພາບການຫັນເປັນທະເລຊາຍໃນປັດຈຸບັນ. ພ້ອມກັນນັ້ນທ່ານໄດ້ກ່າວວ່າ, ຄວາມພະຍາຍາມຂອງຈີນໃນຕ້ານການຫັນເປັນທະເລຊາຍແລະການປູກໄມ້ສ້າງປ່າແມ່ນແບບຢ່າງທີ່ດີ, ເຊິ່ງເຮັດໃຫ້ຈີນກາຍເປັນເນື່ອງໃນບໍ່ເທົ່າໃດປະເທດທີ່ມີອັດຕາປົກຫຸ້ມຂອງປ່າໄມ້ເພີ່ມຂຶ້ນໃນໂລກ.