ຕາມຂ່າວCRI: ວັນທີ 23 ພຶດສະພານີ້, ກອງປະຊຸມປຶກສາຫາລືຂັ້ນສູງສື່ມວນຊົນຈີນ - ສ.ເກົາຫຼີ ຄັ້ງທີ 8 ໄດ້ຈັດຂຶ້ນຢູ່ນະຄອນຫຼວງເຊອູນ ສ.ເກົາຫຼີ ໂດຍຜູ້ຕາງໜ້າເກືອບ 30 ທ່ານຈາກວິທະຍຸສາກົນແຫ່ງປະເທດຈີນຫຼື CRI, ໜັງສືພິມເຢີນມິນຢື້ປ້າວ, ຂ່າວສານຊິນຮວາ, ສະຖານີໂທລະພາບສູນກາງຈີນຫຼື CCTV, ສຳນັກຂ່າວສານຮ່ວມ ສປປ ເກົາຫຼີ, ບໍລິສັດກະຈາຍສຽງ ສ.ເກົາຫຼີຫຼື KBS ເຂົ້າຮ່ວມ, ຂະນະທີ່ທ່ານ ຫູປ່າງເຊີ້ງ ຮອງຜູ້ອຳນວຍການໃຫຍ່ວິທະຍຸສາກົນແຫ່ງປະເທດຈີນໄດ້ກ່າວປາໄສໃນກອງປະຊຸມ.
ກອງປະຊຸມຄັ້ງນີ້ໄດ້ເນັ້ນ "ລົງເລິກການຮ່ວມມືສື່ມວນຊົນຈີນ-ສ.ເກົາຫຼີ, ຊຸກຍູ້ການພົວພັນ 4 ຄູ່ຮ່ວມມື", ຜູ້ຕາງໜ້າສື່ມວນຊົນຂອງຈີນ ແລະ ສ.ເກົາຫຼີ ໄດ້ແລກປ່ຽນຄວາມຄິດຄວາມເຫັນຢ່າງຈິງໃຈໂດຍປິ່ນອ້ອມຫົວຂໍ້ "ການຊຸກຍູ້ການແລກປ່ຽນແລະຮ່ວມມືດ້ານວັດທະນະທຳແລະການທ່ອງທ່ຽວລະຫວ່າງຈີນ-ສ.ເກົາຫຼີ ແລະ ການຮ່ວມມືຈີນ-ສ.ເກົາຫຼີ ຕາມການປະຕິວັດອຸດສາຫະກຳການຜະລິດຄັ້ງທີ 4"ແລະຫົວຂໍ້ອື່ນໆ.
ໃນກອງປະຊຸມ, ສື່ມວນຊົນສອງປະເທດຍັງໄດ້ເຊັນສັນຍາຮ່ວມມື 6 ສະບັບ. ໃນນັ້ນ, ວິທະຍຸສາກົນແຫ່ງປະເທດຈີນໄດ້ເຊັນສັນຍາຮ່ວມມືກັບວິທະຍຸສາກົນແຫ່ງປະເທດ ສ.ເກົາຫຼີ ແລະ ສະຖານີໂທລະພາບກຽງອິນຫຼື OBS ຂອງ ສ.ເກົາຫຼີ .