ກອງປະຊຸມລັດຖະມົນຕີປ້ອງກັນປະເທດອາຊຽນຄັ້ງທີ10 ໄດ້ຈັດຂຶ້ນໃນວັນທີ 25 ພຶດສະພາ ນີ້, ພາຍໃຕ້ຄຳຂວັນ"ສົ່ງເສີມການຮ່ວມມື
ວຽກງານປ້ອງກັນຊາດ ເພື່ອຄວາມເຂັ້ມແຂງ ຂອງປະຊາຄົມອາຊຽນ" ມີບັນດາລັດຖະມົນຕີປ້ອງກັນປະເທດອາຊຽນ, ທ່ານເລຂາທິການ
ໃຫຍ່ ພ້ອມດ້ວຍຄະນະຜູ້ແທນເຂົ້າຮ່ວມ.
ກອງປະຊຸມຄັ້ງນີ້,ບັນດາລັດຖະມົນຕີປ້ອງກັນປະເທດອາຊຽນ ໄດ້ປຶກສາຫາລື ແລະ ແລກປ່ຽນສະພາບການກ່ຽວກັບວຽກງານປ້ອງກັນ
ຊາດ-ຄວາມໝັ້ນຄົງໃນພາກພື້ນແລະ ສາກົນ ໂດຍສະເພາະແມ່ນສິ່ງທ້າທາຍ ແລະ ໄພຂົ່ມຂູ່ທີ່ບໍ່ແມ່ນທາງທະຫານ,ເປັນຕົ້ນແມ່ນບັນ
ຫາໄພພິ ບັດທາງທຳມະຊາດ, ການກໍ່ການຮ້າຍ, ກຸ່ມຫົວຮຸ່ນແຮງ,ອາດຊະຍາກຳຂ້າມຊາດ, ຄວາມໝັ້ນ ຄົງທາງທະເລ, ອິນເຕີເນັດ
ແລະອື່ນໆທີ່ມີຄວາມເປັນຫ່ວງຮ່ວມກັນ.
ເພື່ອຮັບມືກັບບັນຫາສິ່ງທ້າທາຍກອງປະຊຸມໄດ້ໃຫ້ທັດສະນະວ່າ: ກອງທັບຂອງບັນດາ ປະເທດສະມາຊິກອາຊຽນມີຄວາມຈຳເປັນຈະຕ້ອງ
ໄດ້ສືບຕໍ່ເພີ່ມທະວີແລະຮັດແໜ້ນການຮ່ວມ ມືນຳກັນໃຫ້ເປັນຮູບປະທຳໃຫ້ຫຼາຍຂຶ້ນກວ່າເກົ່າ,ເປັນຕົ້ນແມ່ນການແລກປ່ຽນຂໍ້ມູນ-ຂ່າວສານ,
ການຝຶກຊ້ອມແລະການປະຕິບັດງານຮ່ວມກັນເພື່ອສະກັດກັ້ນ, ປ້ອງກັນແລະແກ້ໄຂຂໍ້ ຂັດແຍ່ງພ້ອມທັງຮັບມືກັບສິ່ງທ້າທາຍຕໍ່ຄວາມໝັ້ນ
ຄົງໄດ້ຢ່າງມີປະສິດທິພາບ,ປະສິດທິຜົນ ແລະ ທັນເວລາ. ພ້ອມນັ້ນຕ້ອງໄດ້ເພີ່ມທະວີການຊ່ວຍເຫຼື່ເຊິ່ງກັນ ແລະກັນ ໃນການເສີມສ້າງ
ຂີດຄວາມ ສາມາດ, ສົ່ງເສີມຄວາມເຂົ້າອົກເຂົ້າໃຈ ແລະຄວາມໄວ້ເນື້ອເຊື່ອໃຈລະຫວ່າງກອງທັບຂອງບັນ ດາປະເທດສະມາຊິກອາຊຽນ
ໃຫ້ນັບມື້ນັບແໜ້ນແຟ້ນຂຶ້ນເລື່ອຍໆ.
ນອກຈາກນີ້, ກອງປະຊຸມຍັງໄດ້ຮັບຮອງເອົາເອກະສານສຳຄັນ 3 ສະບັບລະອຽດຄື:
1. ຂໍ້ກຳນົດວ່າດ້ວຍກອງກຳລັງກຽມພ້ອມທະຫານອາຊຽນເພື່ອການຊ່ວຍເຫຼືອດ້ານມະນຸດສະທຳ ແລະ ບັນເທົາທຸກໄພພິບັດ.
2. ຂໍ້ກຳນົດວ່າດ້ວຍສູນແພດທະຫານອາຊຽນ
3. ເອກະສານແນວຄວາມຄິດກ່ຽວກັບການສ້າງຕັ້ງໜ່ວຍຜູ້ຊ່ຽວຊານດ້ານຄວາມໝັ້ນຄົງທາງ
ອິນເຕີເນັດ ໃນຂອບກອງປະຊຸມລັດຖະມົນຕີປ້ອງກັນປະເທດອາຊຽນຫຼື ADMM-ບວກ.
ກອງປະຊຸມຍັງໄດ້ຮັບຮອງແລະລົງນາມຖະແຫຼງການຮ່ວມຂອງບັນດາລັດຖະມົນຕີປ້ອງກັນປະເທດອາຊຽນວ່າດ້ວຍ"ສົ່ງເສີມການຮ່ວມມື
ວຽກງານປ້ອງກັນຊາດ ເພື່ອຄວາມເຂັ້ມແຂງຂອງ ປະຊາຄົມອາຊຽນ"ເຊິ່ງຖະແຫຼງການດັ່ງກ່າວນີ້ຖືວ່າເປັນເອກະສານທີ່ສຳຄັນພື້ນຖານ
ໃຫ້ແກ່ ການສົ່ງເສີມພົວພັນຮ່ວມມືໃນຂອບ ADMM ເພື່ອປະກອບສ່ວນເຂົ້າໃນການປົກປັກຮັກສາ ສັນຕິພາບ, ສະຖຽນນະພາບ,
ຄວາມໝັ້ນຄົງ, ການພັດທະນາ ແລະ ຄວາມວັດທະນາຖາວອນ ຂອງພາກພື້ນ.