ກອງປະຊຸມຊັບພະຍາກອນ, ພະລັງງານແລະການພັດທະນາແບບຍືນຍົງ ຂອງເວທີປຶກສາຫາລືອາຊີໂປອາວ ແລະເວທີປຶກສາຫາລືປະເທດເສັ້ນທາງສາຍໄໝ ໄດ້ຈັດຂຶ້ນຢູ່ນະຄອນຫຼວງອັສທານາປະເທດກະສັກສະຖານໃນວັນທີ 25 ພຶດສະພານີ້ ເຊິ່ງເປັນຄັ້ງທຳອິດທີ່ຈັດຂຶ້ນຢູ່ອາຊີກາງຂອງເວທີປຶກສາຫາລືອາຊີໂປອາວ.
ກອງປະຊຸມເທື່ອນີ້ມີເຈົ້າໜ້າທີ່ລັດຖະບານ, ນັກທຸລະກິດ, ນັກວິຊາການ ແລະຜູ້ຊ່ຽວຊານ 300 ກວ່າທ່ານຈາກປະເທດຕາມແລວເສດຖະກິດເສັ້ນທາງສາຍໄໝ ເຊັ່ນ ຈີນ, ຣັດເຊຍ ແລະ 5 ປະເທດອາຊີກາງເປັນຕົ້ນເຂົ້າຮ່ວມ ເຊິ່ງຜູ້ແທນແຕ່ລະປະເທດໄດ້ປຶກສາຫາລືກັນໂດຍປິ່ນອ້ອມຫົວຂໍ້ຕ່າງໆ ເຊັ່ນ: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເຊື່ອມຕໍ່ກັບການກໍ່ສ້າງສະຫະພັນເສດຖະກິດເອີຣົບ-ອາຊີ, ພະລັງງານ, ຊັບພະຍາກອນ ແລະການພັດທະນາແບບຍືນຍົງເປັນຕົ້ນ.
ກອງປະຊຸມໄດ້ສະເໜີວ່າ, ປະເທດຕ່າງໆໃນອາຊີຄວນຮ່ວມກັນສ້າງການພົວພັນຄູ່ຮ່ວມພະລັງງານຊັບພະຍາກອນອາຊີ, ຖືເອົາການພົວພັນລະຫວ່າງການສະໜອງກັບຄວາມຕ້ອງການທີ່ໜັກແໜ້ນເພື່ອເປັນບ່ອນອີງໃນການຄາດຄະເນລາຄາແລະຕະຫຼາດທີ່ໜັກແໜ້ນ, ຊຸກຍູ້ເສດຖະກິດຂອງຝ່າຍສະໜອງແລະຝ່າຍຕ້ອງການໃຫ້ພັດທະນາຢ່າງໝັ້ນທ່ຽງ ແລະເສີມຂະຫຍາຍບົດບາດເຮັດໃຫ້ຕະຫຼາດພະລັງງານແລະຊັບພະຍາກອນຂອງໂລກໝັ້ນຄົງ.