ວິທະຍຸສາກົນແຫ່ງປະເທດຈີນຫຼືCRIລາຍງານວ່າ:ວ່າທີ່ລັດຖະມົນຕີກະຊວງການຕ່າງປະເທດຟິລິບປິນກ່າວວ່າຍິນດີສົນທະນາສອງຕໍ່ສອງກັບຈີນກ່ຽວກັບບັນຫາທະເລຈີນໃຕ້,ແລະຕໍ່ການຢືນຢັນດັ່ງກ່າວ,ວັນທີ 1 ມິຖຸນານີ້,ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນໄດ້ກ່າວຊົມເຊີຍທັງຫວັງໃຫ້ລັດຖະບານຊຸດໃໝ່ຂອງຟິລິບປິນມຸ່ງໜ້າໄປສູ່ຈຸດໝາຍກັບຈີນ,ກັບຄືນສູ່ເສັ້ນທາງແຫ່ງການສົນທະນາກັນ.
ທ່ານນາງຮວ້າຊຸນຢິງໄດ້ກ່າວໃນງານຖະແຫຼງຂ່າວສາມັນຂອງກະຊວງການຕ່າງປະເທດໃນວັນທີ 1 ມິຖຸນານີ້ວ່າ, "ນັບແຕ່ຈີນຟິລິບປິນສ້າງສາຍພົວພັນທາງການທູດເປັນເວລາ 40 ກວ່າປີມານີ້,ການພົບປະຫຼືການເຈລະຈາເຊິ່ງໜ້າພ້ອມທັງເອກະສານການເມືອງສະບັບຕ່າງໆທີ່ສອງຝ່າຍຮ່ວມກັນປະກາດນັ້ນ,ຜູ້ນຳສອງປະເທດທຸກຊຸດທີ່ຜ່ານມາລ້ວນແຕ່ເຫັນດີຢ່າງຈະແຈ້ງວ່າ ຄວາມຂັດແຍ້ງກັນຕໍ່ທະເລຈີນໃຕ້ລະຫວ່າງຈີນຟິລິບປິນຕ້ອງແກ້ໄຂຢ່າງສັນຕິໂດຍຜ່ານການເຈລະຈາສອງຝ່າຍໂດຍກົງ.ນີ້ແມ່ນຄຳໝັ້ນສັນຍາອັນເຄັ່ງຂຶມທີ່ສອງຝ່າຍກ່າວໃນຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຈີນໃຕ້ທີ່ຮ່ວມກັນລົງນາມໃນປີ 2002.ຫວັງວ່າ ລັດຖະບານຊຸດໃໝ່ຂອງຟິລິບປິນຈະເຄົາລົບຄວາມເປັນເອກະສັນກັນແລະຄຳໝັ້ນສັນຍາທີ່ກ່ຽວຂ້ອງ,ກັບຄືນສູ່ເສັ້ນທາງ ແຫ່ງການສົນທະນາສອງຕໍ່ສອງ,ມຸ່ງໜ້າໄປສູ່ຈຸດໝາຍດຽວກັນກັບຈີນ,ແກ້ໄຂຄວາມຂັດແຍ່ງກັນໃຫ້ດີ,ພະຍາຍາມພັດທະນາການພົວພັນຈີນ-ຟິລິບປິນໃຫ້ປອດໃສແລະໝັ້ນທ່ຽງ."