ຕາມຂ່າວສານຈີນ: ຫວ່າງມໍ່ໆນີ້, ເຈົ້າໜ້າທີ່ການທູດອາວຸໂສຂອງຟິລິບປິນໄດ້ຮຽກຮ້ອງໃຫ້ທ່ານ ໂຣດຣິໂກ ດູເຕີເຕ ທີ່ຈະດຳລໍງຕຳແໜ່ງເປັນປະທານາທິບໍດີຟິລິບປິນຈົ່ງປຶກສາຫາລືກັບຈີນ ເພື່ອແກ້ໄຂຄວາມຂັດແຍ້ງບັນຫາຕ່າງໆຢູ່ທະເລຈີນໃຕ້.
ສື່ມວນຊົນຟິລິບປິນລາຍງານວ່າ: ຫວ່າງມໍ່ໆນີ້, ທ່ານນາງ ໂຣສະໂຣໂອ ມານາໂລ ອະດີດຮອງລັດຖະມົນຕີກະຊວງການຕ່າງປະເທດຟິລິບປິນໄດ້ໃຫ້ສຳພາດຕໍ່ນັກຂ່າວວ່າ, ຖ້າຟິລິບປິນແລະຈີນປຶກສາຫາລືກັນຈະຫຼຸດຜ່ອນສະຖານະການທີ່ເຄັ່ງຕຶງເຊິ່ງ "ປະເທດຕົນຄວນເຈລະຈາກັບຈີນ" ທັງເຫັນວ່າ, ຟິລິບປິນສະເໜີໃຫ້ການຕັດສິນບັນຫາທະເລຈີນໃຕ້ພຽງຝ່າຍດຽວເມື່ອເດືອນມັງກອນປີ 2013 ນັ້ນເປັນການທ້າທາຍເກາະຜິດຈີນ.
ຂະນະທີ່ທ່ານນາງ ເລົາໂຣ ບາຈາ ອະດີດຮອງລັດຖະມົນຕີກະຊວງການຕ່າງປະເທດຟິລິບປິນກໍໄດ້ໃຫ້ສຳພາດຕໍ່ນັກຂ່າວຫວ່າງມໍ່ໆນີ້ເຊັ່ນດຽວກັນວ່າ: ພຽງແຕ່ປຶກສາຫາລືກັບຈີນເທົ່ານັ້ນຈຶ່ງສາມາດແກ້ໄຂຄວາມຂັດແຍ້ງກັນຢູ່ທະເລຈີນໃຕ້, "ຖ້າບໍ່ປຶກສາຫາລືກັນກໍຈະບໍ່ສາມາດແກ້ໄຂບັນຫາໄດ້ແຕ່ປະການໃດ, ຂະນະທີ່ປະເທດອື່ນໆທີ່ຮຽກຫາອະທິປະໄຕກໍພວມປຶກສາຫາລືກັບຈີນເປັນຕົ້ນຫວຽດນາມແລະມາເລເຊຍ." ແນວໃດກໍດີ, ເຖິງວ່າຟິລິບປິນຈະຊະນະຄະດີຕັດສິນທະເລຈີນໃຕ້ກໍຕາມແຕ່ກໍບໍ່ສາມາດໄດ້ຮັບສິ່ງທີ່ເອີ້ນວ່າ "ໄຊຊະນະທາງຄວາມເປັນທຳ" ຕໍ່ບັນຫາອະທິປະໄຕຫຼືສິດທາງທະເລ.