ວິທະຍຸສາກົນແຫ່ງປະເທດຈີນລາຍງານວ່າ: ວັນທີ 22 ມິຖຸນານີ້,ກົມຄຸ້ມຄອງການທະນາຄານສິງກະໂປປະກາດຈະຈັດເອົາເງິນຢວນຈີນເຂົ້າໃນຄັງສຳຮອງເງິນຕາຕ່າງປະເທດທາງການເຊິ່ງນະໂຍບາຍດັ່ງກ່າວຈະເລີ່ມປະຕິບັດໃນເດືອນມິຖຸນານີ້ໂດຍກົມດັ່ງກ່າວເຫັນວ່າ,ການໃຊ້ມາດຕະການດັ່ງກ່າວເປັນຜົນມາຈາກຕະຫຼາດການທະນາຄານຈີນດຳເນີນການປະຕິຮູບຫັນເປັນມາດຕະຖານຕໍ່ເນື່ອງແລະໜັກແໜ້ນແລະຕະຫຼາດສາກົນກໍໄດ້ຮັບຮອງເງິນຢວນຈີນນັບມື້ນັບຫຼາຍຂຶ້ນ.
ແຈ້ງການຍັງລະບຸອີກຫຼັງກົມຄຸ້ມຄອງເຫັນວ່າ,ໜຶ່ງປີຜ່ານມາ,ຈີນໄດ້ໃຊ້ມາດຕະການທີ່ບັງເກີດຜົນໂດຍຫຼຸດຜ່ອນຄວາມຈຳກັດດ້ານອັດຕາແລກປ່ຽນເງິນຢວນ,ພ້ອມທັງສ້າງໂອກາດໃຫ້ແກ່ນັກລົງທຶນຕ່າງປະເທດເຂົ້າຮ່ວມຕະຫຼາດການທະນາຄານແລະພັນທະບັດຫຼາຍກວ່າເກົ່າ.ເຈົ້າໜ້າທີ່ກົມດັ່ງກ່າວກ່າວວ່າ,ການທີ່ຈັດເອົາເງິນຢວນຈີນເຂົ້າໃນຄັງສຳຮອງເງິນຕາຕ່າງປະເທດໃນໄລຍະນີ້ຖືວ່າເໝາະສົມທີ່ສຸດເຊິ່ງໜຶ່ງປີຜ່ານມາ,ຈີນໄດ້ດຳເນີນການປະຕິຮູບການທະນາຄານຢ່າງຕໍ່ເນື່ອງ,ເຮັດໃຫ້ເງິນຢວນນັບມື້ໄດ້ຮັບການຮັບຮອງຈາກຕະຫຼາດສາກົນ.ຂະນະທີ່ເມື່ອເດືອນພະຈິກປີຜ່ານມາ,ຈີນແລະສິງກະໂປໄດ້ປະກາດຈະເປີດກວ້າງຊ່ອງທາງຈໍລະຈອນເງິນຢວນຂ້າມຊາຍແດນ,ພ້ອມທັງຊຸກຍູ້ເງິນຢວນໃຫ້ຫັນເປັນສາກົນຕື່ມອີກ.
 |
