ໜັງສືພິມອີຣານລາຍວັນອ້າງຕາມທ່ານ ຈອນ ເຄຣີ ລັດຖະມົນຕີການຕ່າງປະເທດອາເມລິກາທີ່ໄດ້ໃຫ້ສຳພາດຕໍ່ນັກຂ່າວໃນວັນທີ 29 ມິຖຸນານີ້ວ່າ: ອີຣານໄດ້ເສີມຂະຫຍາຍບົດບາດໃນການເຄື່ອນໄຫວຕໍ່ຕ້ານກຸ່ມຫົວຮຸນແຮງ IS ຢູ່ປະເທດອີຣັກຂອງປະຊາຄົມໂລກຢ່າງຕັ້ງໜ້າ. ຂະນະທີ່ທ່າທີດັ່ງກ່າວເປັນສິ່ງທີ່ແປກໃຈເນື່ອງຈາກວ່າອາເມລິກາຈັດອີຣານເປັນປະເທດທີ່ "ສະໜັບສະໜູນລັດທິກໍ່ການຮ້າຍ" ມາໂດຍຕະຫຼອດ.
ຂ່າວແຈ້ງວ່າ, ເມື່ອເວົ້າເຖິງອີຣານແລະອິດທິພົນທີ່ນັບມື້ຫຼາຍຂຶ້ນຢູ່ອີຣັກນັ້ນມີຜົນຮ້າຍຫຼືຜົນດີຫຼາຍກວ່າ, ທ່ານ ເຄຣີ ກ່າວວ່າ, ເຖິງວ່າອາເມລິກາແລະອີຣານຍັງມີບັນຫາສ່ວນໃດໜຶ່ງຕໍ່ກັນແລະອາເມລິກາກໍສຸມໃສ່ແກ້ໄຂບັນຫາເຫຼົ່ານີ້ກໍຕາມ, ແຕ່ກໍບໍ່ສາມາດປະຕິເສດວ່າ, ການທີ່ອີຣານມີອິດທິພົນຢູ່ອີຣັກນັ້ນໄດ້ກາຍເປັນປະໂຫຍດໃນບາງດ້ານເຊິ່ງອີຣານມີຈຸດໝາຍຕໍ່ຕ້ານກຸ່ມ IS ຢູ່ອີຣັກ, ສ່ວນຕົນແລະອີຣານກໍມີສ່ວນຮ່ວມຕໍ່ເປົ້າໝາຍດັ່ງກ່າວ.
 |
