ຂ່າວສານຊິນຮວາລາຍງານວ່າ: ວັນທີ 30 ມິຖຸນາແລ້ວນີ້, ທ່ານຫວາງໂຊ້ເວິນ ຮອງລັດຖະມົນຕີກະຊວງການຄ້າຈີນຖະແຫຼງວ່າ: ກອງປະຊຸມລັດຖະມົນຕີການຄ້າ G20 ທີ່ຈະຈັດຂຶ້ນຢູ່ຊຽງໄຮໃນໄວໆນີ້ຈະຄົ້ນຄວ້າສ້າງຍຸດທະສາດການຄ້າທົ່ວໂລກເຕີບໂຕຂອງ G20ເພື່ອປັບປຸງການຄຸ້ມຄອງການຄ້າທົ່ວໂລກໃຫ້ດີຂຶ້ນ.
ທ່ານຫວາງໂຊ້ເວິນກ່າວວ່າ: G20ຈະ ຢ້ຳການສະໜັບສະໜູນອົງການການຄ້າໂລກຫຼື WTO ແລະຈະສືບຕໍ່ໃຫ້ຄຳໝັ້ນສັນຍາກ່ຽວກັບບົດບາດການເປັນໃຈກາງຂອງ WTOໃນໂຄງປະກອບການຄ້າໂລກ.
ທ່ານຫວງໂຊ້ເວິນກ່າວຕື່ມວ່າ: ຄວນຄັດຄ້ານລັດທິປົກປ້ອງການຄ້າ. ນັບແຕ່ເກີດວິກິດການການເງິນມານີ້, ຫຼາຍສະມາຊິກຂອງ WTOໄດ້ໃຊ້ມາດຕະການປົກປ້ອງການຄ້າ ເຊິ່ງມາດຕະການເຫຼົ່ານີ້ເປັນສາເຫດໜຶ່ງທີ່ສຳຄັນເຮັດໃຫ້ການຄ້າທົ່ວໂລກຂະຫຍາຍຕົວຊ້າລົງ. ການທີ່20ສະມາຊິກໃນG20 ໃນຖານະເປັນກຸ່ມການຄ້າແລະເສດຖະກິດໃຫຍ່ທີ່ສຸດນັ້ນຖືການຈັດຕັ້ງປະຕິບັດຂອງຕົນເປັນໂຕແບບ, ຫຼຸດຜ່ອນມາດຕະການຈຳກັດການຄ້າແລະນີ້ຄືການສະໜັບສະໜູນອັນສຳຄັນຕໍ່ໂຄງປະກອບການຄ້າຫຼາຍຝ່າຍ.
 |
